2014年10月5日 星期日

謝安琪、葉德嫻加入錄《撐起雨傘》 林夕願同梁振英一齊落台 梁振英,葉德嫻,謝安琪,




【雨傘革命】謝安琪、葉德嫻加入錄《撐起雨傘》 林夕願同梁振英一齊落台

2014-10-04 23:33:00



何韻詩、黃耀明、林夕同埋作曲人Pan,連同一班歌手,製作出《撐起雨傘》。(攝影:馬建華)

晚上9時40分左右,何韻詩、黃耀明同埋作曲人Pan一齊登場,明哥就喺台上話作曲人Pan一早就將《撐起雨傘》寫咗畀阿詩,之後佢哋就決定喺48個鐘頭入面做呢隻歌。喺唱嘅時候,就由Pan先唱,之後到阿詩,最後就係明哥,而台下嘅集會人士,就高舉手機燈,阿詩都好感動,更眼濕濕。

唱完歌之後,阿詩就話:「見到一班有勇氣嘅年輕人同學生,令我哋覺應為佢哋做更多嘢,所以送呢首歌畀香港人,希望大家繼續做一班有勇氣嘅年輕人和有勇氣嘅香港人。」

離開大台之後,阿詩、明哥、林夕同Pan就去咗添美道嘅細台,佢哋唱出《撐起雨傘》同《海闊天空》,音響仲出現咗少少問題,但都無阻佢哋嘅熱情。眾人邀請夕爺唱歌,夕爺就謂不如講嘢,但又謂冇咩嘢講,仲話:「我都係時候要落台,我好願意落台。」之後就有個女仔大叫:「叫梁振英同你一齊落台!」夕爺就住話:「好啊!」

阿詩接受訪問嘅時候就話:近日嘅情況大家都睇到,冇諗過呢啲事喺香港發生,啲人可以亂咁非禮女仔,仲講到自己好有道理咁,完全唔可以接受,亦都見到警方好似有啲偏頗處理,真係接受唔到,需要佢哋有個交代,不過佢哋好似交代咗。」而阿詩啱啱喺台上就眼濕濕,阿詩就解釋話:「好感動見到一班年輕人,喺咁黑暗嘅時候仍然去面對呢啲事情,仲堅守自己崗位,覺得應該要再為佢哋打氣,因為要搵呢份勇氣唔容易。」

明哥就講到《撐起雨傘》呢首歌:「首歌喺48小時內完成,有好多人幫手編曲,仲有啲非主流歌手,主流歌手都好出力,包括有Kay謝安琪,佢今朝喺美國send一段歌番嚟,盧凱彤就喺上海用電話錄,仲有喺加拿大嘅周國賢。噚晚仲搵到葉德嫻,佢啱啱返港唔知咩事,了解咗事件之後,今早一早就去studio錄最尾一段。」明哥同阿詩都好感謝每一個出心出力嘅人。

夕爺收訪時就話:「其實我哋唔可以憑片段或者媒體報道去睇,應該從多啲唔同渠道收集片段。以噚日嘅情況嚟睇,我非常唔願意見到執法人員蹺起雙手。我恨不得相信佢哋出嚟講嘅野。」





阿詩喺台上就眼濕濕。



《撐起雨傘》首歌喺48小時內完成。



夕爺話:「其實我哋唔可以憑片段或者媒體報道去睇。」







鍾意就快D Share啦!