【C1新聞】阿澤爆粗怒斥 TVB唔畀戴黃絲帶
2014-10-05 00:45:00
近日「雨傘革命」喚起港人團結向政府公民抗命，佔中運動已遍地開花，但前日反佔中人士突聯群結黨湧出有所行動，當中滲入惡勢力招兵買馬，以暴力圍毆佔中人士，引發流血衝突。學聯前晚發聲明譴責政府縱容暴徒打擊佔中，宣佈擱置跟政務司司長林鄭月娥的對話。
阿澤昨日往深水埗出席電影《唐伯虎衝上雲霄》宣傳，不但穿上黑tee，還戴了黑帽及黑膠框眼鏡，黑tee更扣上黃絲帶，以實際行動撐學生。活動後，無綫節目《東張西望》派出主持容羡媛採訪阿澤，未開始阿澤便變臉，怒氣向現場文字爆粗投訴。
原來有幕後工作人員要阿澤除黃絲帶才出鏡，難怪阿澤火爆大鬧：「TVB唔畀戴黃絲帶，黐X線！」其後該節目雖妥協，不過錄影期間鏡頭只拍阿澤臉部特寫，完全避開他的黃絲帶，阿澤受訪後說：「鍾意播就播，唔鍾意播就唔播！」
《唐》片上畫撞正佔中，票房截至前日為止暫收213萬，阿澤說：「家共度時艱，點都應該體諒學生。又唔係一世人拍一次戲，大是大非之前，生意人都要體諒，我不嬲票房冇所謂。」王晶日前一身藍色撐警察，阿澤說：「每個人都可以有自己立場，唔需要太激動，唔好傷感情。」
公民抗命在fb引爆unfriend潮，阿澤直認有unfriend人：「唔係因為你立場，而係你智商。我friend list中都有不同立場的人，智商同感冒都一樣，好易傳染。」今年初阿澤跟黃秋生爆不和，可是前晚卻見阿澤有轉貼秋生撐學生言論和讚他的專頁，阿澤說：「呢個時候，生意私怨放埋一邊先。我睇佢講咗好多日，意見好有見地，無論性格上唔夾、立場上唔同都好，你會見到嗰個人心地好，冇辦法唔去相信佢講嘅嘢。」但阿澤避答兩人是否再是朋友。
阿澤沒親到佔中場地聲援，他說：「大家都知我乜嘢處境，好多人以為藝人講嘢好簡單，以為怕咗搵唔到食，我落去支持可以做到幾多？定係加添咗麻煩畀大家？好似發哥（周潤發），係香港最紅藝人，0依家發咗出聲都唔會聽，唔講其他嘅嘢嘅梁朝偉都出聲，結果政府都係唔聽。藝人嘅說話已經唔係想像中咁大，政府都咁冷漠，咁我杜汶澤又算係乜？」
身在內地、心在港的秋生，連日追看新聞並在fb發聲，看到警方縱容反佔中暴徒行為，秋生即揶揄保安局局長黎棟國：「棟國果然冇改錯名，棟X咗自己個國。」秋生不屑自稱內地來男遊客帶刀踩入旺角幫手清拆標語，昨在電話中說：「普通巿民帶刀出街已當攻擊性武器，點解警方唔拉呢個人，根本冇盡忠職守保護巿民，咁我攞把關刀出街，我有理由懷疑警員係同黨，佢已經違法。」
秋生強烈譴責反佔中人士的暴力行為，他續說：「已經唔係法治社會，警方有事都袖手旁觀，有冇可恥心，呢啲係走狗，香港點解會變成咁？」之後他又在fb激動爆粗：「乜原來清場可以順便非禮㗎？X你班反佔中藍衣七頭皮，唔叫埋我？我洪興班兄弟冇咁仆街，衰到要去收幾差嘢打仔，仲要非禮，咪X話畀人知你班冚家X係古惑仔。」
對於宿敵阿澤轉貼其留言，秋生在電話中與阿澤同一口徑：「呢個係公論，係唔係朋友另一件事，大是大非前冇啲咁嘅私人嘢，呢啲先係香港精神面貌，核心價值。」秋生支持學聯停止與林鄭月娥等高官對話：「點可以同暴力對話？佢哋唔譴責，政府已話畀我哋聽佢有份。」
而黃秋生亦以演藝校友會主席身份，拍下短片上載YouTube為演藝學生打氣，身穿戲服的他說：「各位同學，呢幾日我知道大家好辛苦，做咗好多嘢，我雖然唔喺香港，但我完全感受到大家心情同努力，我非常之感動，我希望大家喺將來繼續盡一個藝術家責任，關注社會，創作一個更好未來，繼續努力。」
面對大是大非，阿澤拋低私人恩怨，在facebook跟宿敵黃秋生（右）和好，大方轉貼黃秋生關心香港，撐學生的言論。（資料圖片）
|
鍾意就快D Share啦！
|
|
|
