全城熱爆的娛樂八封新聞 & 時事趣聞 & 生活 + 趣聞
駁長咗頭髮，仲要縛多條千頌依頭箍， 43歲江美儀當堂後生晒！
一劇接一劇嘅江美儀，呢排頻頻去髮型屋，將短髮駁長，測試唔同長度嘅效果，為新劇造型做功課。今個星期一（二十四日），江美儀仲戴住個假髮，同愛犬 Teddy出銅鑼灣行街。
長頭髮多花臣，江美儀趁機去睇髮飾用品，之後再同 Teddy一齊去時代廣場睇鞋，用 coupon唔使俾 cash，就算已經 Keep起咗五、六對鞋喺櫃枱，依然仲有大把 coupon未用晒，索性 call多一男一女朋友落鋪一齊揀，攞盡佢，就咁話！
之前江美儀把頭髮仲長，而家個假髮，短咗唔少。
媽咪唔得閒， Teddy坐定定等，超乖。
江美儀益街坊，叫多一男一女朋友落鋪揀免費鞋。
