| 張繼聰同阿Bob為咗場戲，搏到咁盡，今年男配角可唔可以鬧雙胞呀？ | next 1/1 pre |
 | |
| 騎呢甫逐格睇：姣爆單腳企 | next 1/1 pre |
 | |
| 騎呢甫逐格睇：扮久別重逢 | next 1/1 pre |
 | |
| 騎呢甫逐格睇：扮大力士 | next 1/1 pre |
 | |
| 騎呢甫逐格睇：呢個甫，令我諗起《點解要大家笠》，點解會諗到呢隻歌？我都唔知點解... | next 1/1 pre |
 | |
| 騎呢甫逐格睇：扮占士邦同邦女郎 | next 1/1 pre |
 | |
| 騎呢甫逐格睇：鬥趷pat | next 1/1 pre |
 | |
| 張繼聰話同場嘅姐姐好專業，唔知係咪講緊呢三個呢？ | next 1/1 pre |
 | |
| 黃偉聲（資料圖片） | next 1/1 pre |
 | |
| 阿Bob之前同細細粒嘅激咀戲，真係相當重口味。 | next 1/1 pre |
 | |
| 阿Bob（左）同張繼聰咁落力，梗係要畀番個「四正」樣大家睇 | next 1/1 pre |
無綫台慶劇《老表，你好hea！》播出林盛斌（阿Bob）和陳嘉佳（細細粒）咀到爛床的「終極長吻」後，下星期又有重口味場口登場，就是張繼聰與阿Bob的「男男」戲份，二人更搏老命全裸擺騎呢甫士力氹師奶，畫面極具視覺衝擊效果！
該場戲份講述張繼聰與阿Bob山窮水盡，唯有下海秘撈，張繼聰做交通指揮員，阿Bob則去地盤擔泥。之後二人聞說做裸模收入高，即豁出去在一班師奶面前瞓身做人體Model，任畫唔嬲！由於姿態愈吸引叫價愈高，二人於是狂擺「裸」命騎呢甫！雖然播出的畫面打晒格，但觀乎二人的趣怪貪錢表情，再加映阿Bob「震騰騰」肥腩VS張繼聰谷到盡的「零脂肪」鋼條身形，夠晒CONTRAST之餘，重口味程度更達至世界級！
阿Bob坦言尷尬
雖然二人拍劇時以肉色打底褲上陣，不過一向大膽的阿Bob亦坦言相當尷尬，談到各方好友對自己與細細粒的表現「直豎拇指」，Bob笑言感到安慰：「聽到有朋友話應該加個『最佳螢幕情侶獎』畀我同細細粒，都幾開心。」而劇中經常騷肌的張繼聰，則笑言因「露慣」而未有感到唔自在，又謙爆表示與阿Bob路線不同，從未驚過爭fans問題，他說：「阿Bob好奔放，同場啲姐姐又好專業，好快就拍完場戲。（怕爭fans？）阿Bob係偶像派，我係實力派，唔驚會爭。」談到與Bob均甚有機會問鼎「最佳男配角」，張繼聰坦言唔會預測未知之數：「冇諗過，大家都做得好，唔會比較。」
監製撐阿Bob攞男配角
至於《老表》監製黃偉聲，則偏向睇好阿Bob，更大讚他勇於犧牲：「阿Bob默默耕耘冇咩人賞識，今次佢又嘴又露，面對嘅壓力多過張繼聰，話晒佢有三個女。張繼聰操咗半年肌，日日食烚菜，不過佢有廣告有收益。」黃偉聲更透露拍攝該個場口時，個個笑到碌地，更謂要多謝創意無限的演員幫忙度橋獻策，才能好戲連場！
|
鍾意就快D Share啦！
|
|
|
