【魔術嚟喎！】陳嘉寶示範啤牌魔術 嘉欣BB「被消失」
2014-12-01 08:00:00
噚晚魔術師甄澤權喺九展舉行魔術表演，唔少大台藝人都有到場支持，而鍾嘉欣同陳嘉寶仲擔任表演嘉賓，佢哋兩個不約而同着住白色裙，兼且赤腳上陣表演。
陳嘉寶跟咗甄澤權學咗一段時間魔術，今日佢就喺台上就表演咗啤牌魔術，一開始就變咗4條A出嚟，之後就變咗4個銀仔，之後又變走咗，成個魔術都處理得好成功。
至於嘉欣BB就先瞓喺台上，之後甄澤權就「升起」鍾嘉欣，後來連甄澤權都「升起」埋，最後鍾嘉欣仲消失咗，表演完咗之後，鍾嘉欣因為要趕返內地工作，所以冇接受訪問。
