【太陽報專訊】袁嘉敏出席公開活動時，被發現不時翹着鍾嘉欣緋聞男友伍允龍的手臂，狀甚親暱！另外，談到新片的露點戲時，袁嘉敏指當時劇組人員表示已清場，但仍有十多名男士在場，感覺畀人「睇晒」！
藝人袁嘉敏、文凱玲、唐紫睿、王子涵、何浩文及伍允龍等，昨日出席導演王晶和劉偉強投資的《金裝齡記麻辣火鍋》新店開張活動。現場袁嘉敏不避嫌手翹兼胸壓伍允龍手臂密斟，態度非常親暱！
外國長大特別啱傾
事後記者致電袁嘉敏，她解釋：「我同佢合作過電影《屍城》，大家好耐冇見，見番佢咪捉住佢傾偈囉！（唔怕鍾嘉欣呷醋？）唔會佢哋兩個都好大方。伍允龍美國長大，我就澳洲返嚟，大家都多嘢講。」此外，提到在王晶新片《鴨王》中的露點戲時，她說：「一場係冇着衫做瑜伽、一場係沖涼戲。當日拍攝時現場有十幾個工作人員圍住我囉！好似畀大家睇晒咁！（要求清場？）佢哋話清咗，因為當時有兩部攝影機，每部機都有幾個工作人員。（清咗場多人過冇清？）咁我又冇呢個專業嘅批評力去講邊度多咗兩個人，佢哋話清咗，就清咗囉！」
唐紫睿除內褲「好普通」
同場的唐紫睿透露在片中與何浩文於夜店裏當眾纏綿，更被對方脫去內褲：「都尷尬o架，不過相比起戲中其他女主角，我嗰啲好普通！（性感底線？）作為一個新人有好發揮都會盡量爭取機會，露點對一個演員嚟講唔係一件醜事，好多一線女演員都試過。」而文凱玲則說：「好多荷里活女星都會Topless演出，都唔覺得係有問題！」
|
鍾意就快D Share啦！
|
|
|
