難捨叮噹林保全 靜宜哽咽：接受唔到
「大雄」走了，「叮噹」也走了！多年來用聲音演活了叮噹（現改稱《多啦A夢》）一角的無綫資深配音員林保全，昨早遽然離世，享年63歲。為大雄配音的盧素娟06年亦因腸癌病逝，先後痛失兩位好拍檔，為靜宜（現改稱靜香）配音逾20年的梁少霞昨在電話中心情久久難平復，語帶哽咽說：「接受唔到，太突然，真係好唔捨得。」
將於2月5日上映的《STAND BY ME：多啦A夢3D》是林保全最後一次為「叮噹」配音，在廣東話預告片中有一句對白為：「我唔可以再留喺度，真係要走喇！」想不到隨意門真的打開了，打開通往天國的路，昨日林保全離世，對白成真，實在令人惋惜！
叮噹陪伴着不少香港人成長，是大家的集體回憶，為靜宜配音超過20年的梁少霞，對拍檔盧素娟和林保全先後離世深感痛惜，昨在電話中數度停止說話，聲音略帶沙啞：「其實到𠵱家都接受唔到……太突然，好唔捨得佢……少咗一位值得尊敬嘅前輩，感受好難三言兩語可以表達，因為我哋每日都喺公司見面。」梁少霞表示由新人開始一直跟住保全叔「學嘢」，多年來合作無間，二人昨日原本仍要為一部韓劇配音，梁少霞昨早回到錄音室驚聞噩耗，但仍堅持繼續工作，她說：「因為我知道保全叔對呢份工作好有熱誠，佢係一個好勤力嘅人，我惟有盡量做好本份，想延續佢嗰份熱誠、努力工作嘅精神。」
■《叮噹》陪住好多香港人成長，林保全離逝，叮噹聲音從此成絕響。
大雄媽陳安瑩嘆無常
陳安瑩自11年起聲演電影版大雄媽媽「野比玉子」，她說：「17歲讀訓練班開始已經識佢，世事無常，惟有珍惜眼前人。」陳安瑩讚林保全聲演手到拿來，她說：「佢個口好自然就跟住個角色講嘢，大家要接受年輕人加入配音界演繹經典角色，但相信好難模仿保全叔。」
林保全入行逾40年，師從丁羽，當年亦是丁羽一手提攜他晉身影圈，為洪金寶配音。丁羽說：「佢個女（林芷筠）係我契女，聽講佢今早都冇嘢，仲出嚟洗面，跟住覺得頭暈暈，之後就走咗了。保全之前患過高山症，應該都有糖尿，但平時佢都唔係好鍾意講嘢，比較沉默。」另一元祖級配音員譚炳文直言當林保全是細佬，他說：「以前佢跟我去澳門飲飲食食，我見住佢追女仔，睇住佢結婚，佢個女都對我好好。佢有時都叫我師父，但多數叫炳哥。」不少網民驚聞保全叔離世消息後，紛紛留言謂不要任何人取代保全叔的位置，問炳哥覺得誰可以接棒聲演叮噹？炳哥說：「𠵱家暫時未諗到邊個把聲似，但呢啲主管問題。」昔日林保全專為洪金寶配音，合作最多可算是替成龍配音的鄧榮銾，鄧榮銾昨接受訪問說：「佢（保全叔）早我一年入行，同期一齊做嘢，一齊為粵語片奮鬥，最高峯嘅時候有六、七部戲喺身，收入都唔錯，買車買樓都係等閒事。」
■為叮噹配音的林保全離世，為靜宜配音的梁少霞（右圖）和為電影版大雄媽媽配音的陳安瑩（左圖）憶故友同感傷痛。
綜藝節目《千奇百趣》系列拍檔森美亦讚保全叔是一位出色配音員，他說：「保全叔走咗會覺得好失落，我聽佢嘅聲長大。」而上月10日跟保全叔做電台訪問的港台DJ劉偉恆亦很感慨：「最記得問佢有冇諗過退休？佢話：『冇冇冇，絕對冇諗過呢個問題！』」
採訪：嵐山、何永寧
■丁羽是林保全恩師，與林家稔熟，並認了林保全女兒林芷筠做契女。
資料圖片
■譚炳文睇住林保全入行，視他為細佬般照顧。資料圖片
|
鍾意就快D Share啦！
|
|
|
