掃呢頁CODE去手機

2015年1月11日 星期日

鄭嘉穎中環夜獵巨咪女 冇對過佘詩曼主動 嘉穎,佘詩曼,鄭嘉穎,




鄭嘉穎中環夜獵巨咪女 冇對過佘詩曼主動

2015-01-11 13:40:00



阿佘表示冇留意鄭嘉穎中環夜蒲。(攝影:陳俊強)

佘詩曼、薛家燕、黎耀祥等今日出席百萬行,有報道指鄭嘉穎之前做完除夕倒數活動之後,去咗中環夜蒲,期間佢對一位長髮巨咪女嗒晒糖,曾經傳同嘉穎翻撻嘅阿佘表示冇留意呢段新聞,仲叫記者應該問番嘉穎先啱。以嘉穎為人,會唔會對女仔咁主動﹖阿佘話:「我唔知喎!」當年有冇咁樣對佢先﹖佢話:「冇喎!」阿佘覺得只要嘉穎開心就得喇!問到佢嘅感情﹖阿佘都係嗰句:「我依家生活得好開心,多謝晒!」

曾經以為阿佘同嘉穎復合嘅家燕姐就話:「坦白講,我係感覺到佢同阿佘嘅眼都好有愛,其實拍《十月初五的月光》,阿佘都話家燕姐你唔好過我一戙,都唔係,我以為佢怕醜,已經同我講話唔係;如果今次嘉穎係遇到啱,我都恭喜佢。」講到嘉穎嗒糖嘅女仔係巨咪,身材好豐滿,家燕姐笑住話:「拍到我咩﹖哈哈哈,嘉穎唔係揀呢類,佢應該揀投緣、志趣相投,亦都係時候。」

至於黎耀祥認為嘉穎呢個單身寡仔識女仔係好普通嘅事,就算係佢17歲嘅囝囝都冇所謂,佢話:「我好開通,最重要係佢自己鍾意,我哋細個都經歷過」





以嘉穎為人,會唔會對女仔咁主動﹖阿佘話:「我唔知喎!」





黎耀祥認為嘉穎呢個單身寡仔識女仔係好普通嘅事。







鍾意就快D Share啦!