【短片】【韓流】《急診男女》Clara控訴老闆性騷擾？韓媒反駁
2015-01-20 01:56:00
韓劇《急診男女》女星Clara，噚日已來港準備拍攝電影《哥基王子》。近日佢是非纏身，被爆去年以Polaris事務所李老闆常對佢性騷擾為由而提出解約，但遭老闆否認，令事件變成羅生門。
今日有韓國傳媒繼續跟進事件，反駁好多時候都係Clara主動以短訊聯絡老闆，常向老闆講早晨，甚至當Clara出國拍攝時，佢都會傳相向老闆報平安。
Clara聲稱老闆曾向佢傳送曖昧短訊，例如：「我雖然結咗婚，但也有女朋友。」等等，令佢覺得對方有不軌企圖。不過韓媒就聲稱經調查後，並冇發現有咁嘅對話．仲話Clara指控李老闆多次試圖約佢夜晚一齊飲酒，其實雙方都有提出，原因係為咗傾合約。
報道又指Clara傾簽約前仲傳送好多自己做運動、着比堅尼嘅相畀李老闆，又留言：「如果同我一齊會好開心㗎。」
|
鍾意就快D Share啦！
|
|
|
