2015年2月8日星期日

32歲蔣雅文新婚驗出患多囊卵巢综合症蔣雅文,

【嚴重或致不育】32歲蔣雅文新婚驗出患多囊卵巢综合症

2015-02-08 13:18:00

蔣雅文於fb上，透露患上多囊卵巢综合症，幸及早發現。

早前趙學而自爆做身體檢查時，驗出生子宮肌瘤，事前全無徵兆，結果一驗之下，先知道個子宮肌瘤大過個網球，幸好及時發現，大除夕馬上入院做手術。趙學而謂:「定期驗身係好緊要嘅事！個個人體質不同生理反應不同，可能有事自己都唔知。千祈唔好船頭驚鬼船尾驚賊，越早知道有事越快揾方法治療。」(新聞連結: http://bit.ly/1EPlSnL )

32歲嘅前英皇3T成員兼女神蔣雅文(Mandy)，緊接於元旦日報喜，表示已經同貌似曾俊華同品客先生嘅生意拍檔男友結咗婚，仲係註咗冊之後先至同屋企人講，先斬後奏，當時曾傳兩人奉B成婚，蔣雅文都曾經以為自己有咗，但原來唔係，而係患上多囊卵巢综合症，徵狀包括生痘痘、皮膚變差、發胖，情緒起伏大，生理周期亂七八糟，體重無故增加，上述徵兆令蔣雅文以為自己就快做媽媽，點知一check之下，先至知大件事。如果不及時醫治，仲會影響生BB。

蔣雅文於FB透露謂，自從2012那年大病過後，健康明顯差咗，仲有齊上述各種身體變化，但驗血又驗唔到乜嘢頭緒，最後接受婦科檢查，先至知自己係患上多囊卵巢综合症。

蔣雅文寫道:「多囊卵巢综合症，會冒痘，會變胖，會出現部份更年期症狀，受孕機率不高，而我還懷疑自己要當媽了。說來反叛，原本對小孩很平常心的我，上天給了我這難度，這下子我倒想爭取了。幸好聰明如我及早發現，現正服藥控制中，身體和生理狀況也在好轉中。」

研究報告指出，多囊卵巢综合症係導致不育主因之一，亦同時增加患上慢性疾病風險，如果患者有中央肥胖，同時又有高血壓同高血脂症，那患者患上心血管病、糖尿病、子宮癌同卵巢癌嘅風險就會大增。

蔣雅文寫道:「品客先生無怨無悔的承受了我不少壞脾氣，情緒起伏大折磨著我也折磨著他，但他總是笑嘻嘻的說一切都會過去的。事實上每一個當下我也討厭著自己，現在總算找到原因了。」

為咗老公，蔣雅文仲應承自己同老公:「為了他也為了自己，我會好好把身體養回來的，希望在兩年內可以回復好狀態，成功蹦出一個小品客。」仲提醒大家:「忙碌之餘真的要注意自己健康，定時作身體檢查尤其是婦產科，蔣大姐的反面教材當作給大家一點警惕。記得要好好愛自己=）」

男女都好，身體要緊，聽話呀！