年年都去黃大仙廟上頭炷香嘅夏蕙BB，每一年都悉心打扮，喺上年夏蕙BB就以一個大戲造型出現，咁今年佢又有咩玩呢？
今年係羊年，夏蕙BB就梗係羊咩咩造型出場啦。重點係頂帽。
呢個造型可愛得嚟又簡單，比起上年嘅大戲妝Kawaii好多，而且一定唔會嚇嚫細路。
其實夏蕙BB好細心，特登提早教定大家上頭柱香嘅「三寶」︰三支香、金福袋和風車。福袋寓意全家代代平安，風車就全年行好運。而且好心嘅ＢＢ更幫香港求籤，求到嘅係第七籤「仁貴歸家」，暗示香港上半年仍有問題，下半年方較穩定。
早前有傳夏蕙BB有可能今年參選，佢心地好、關心社會，娛樂性又高，參選一定掂呀！到時有咩牛鬼蛇神都唔怕啦。
