掃呢頁CODE去手機

2015年2月14日 星期六

成龍沒收千萬存款 cut三張附屬卡 逼房祖名自力更生 祖名,成龍,房祖名,




【經濟封鎖】成龍沒收千萬存款 cut三張附屬卡 逼房祖名自力更生

2015-02-14 12:35:00



(資料圖片)(蘋果日報)

房祖名上年因容留他人吸毒,被判囚六個月,昨日獲釋嘅祖名今日情人節將會喺北京開記者會,今日有周刊指,「成龍之子」闖出大禍,有傳成龍會嚴懲仔仔房祖名,對佢經濟封鎖,沒收祖名過千萬存款及三張冇limit嘅信用附屬卡,仲要祖名搬出豪宅,從此要祖名自力更生,努力賺錢。

據知今次祖名立定決心改過,報道指佢喺獄中寫咗三張紙嘅信俾媽咪林鳳嬌,日前成龍雖然口口聲叫祖名「坐耐啲」、「小王八蛋」,其實成龍都好擔心祖名,日前喺台灣宣傳新戲《天將雄獅》中,不時暗示仔仔會成為「全新嘅祖名」,又講仔仔受到一世嘅懲罰,指傳媒會將呢件事講足一世。

據今日台灣《蘋果》報道指,祖名獲釋後,冇返北京寓所,決定暫住酒店,該報道表示,林鳳嬌唔止煲靚湯等仔仔,更準備碌柚葉畀仔仔沖涼,仲搵咗髮型師幫祖名剪髮,希望仔仔祖名可以執好啲見傳媒,據知祖名一向說話率直,怕佢講錯嘢,據悉已搵咗律師同祖名開會。

早前一直有傳媽咪林鳳嬌會陪祖名出席記招,不過被成龍反對,覺得祖名應該一力承擔自己嘅錯,唔想外界覺得祖名做錯乜事有林鳳嬌包庇,咁先令林鳳嬌打消念頭;報道又指內地涉毒嘅藝人會被公安監管,公安有權隨時去涉毒藝人屋企搜查,聽聞成龍想仔仔自律,因此,想仔仔祖名繼續住喺北京,亦會叫仔仔暫時轉做幕後。



保安嚴陣以待。





過百傳媒簽到!

鍾意就快D Share啦!