香港嘅教育制度，逼使唔少父母變成怪獸家長，將子女嘅時間表填到滿，課餘時間都仲係上課，真係辛苦。
只不過唔做到周身刀張張利，又點可以同人競爭呢，所以盧淑儀亦要開始培養佢兩個仔嘅興趣。爸爸李克勤係唱家班，今年7歲大仔Ryan，原來亦遺傳咗爸爸嘅音樂細胞，鍾意彈鋼琴。
學咗兩年鋼琴嘅Ryan，近日就參加「香港學校音樂節」，仲出戰單人鋼琴演奏比賽。喺李克勤同盧淑儀督促下，Ryan獲得第三名。咁叻仔，難怪盧淑儀喺微博晒獎狀，仲留言：「First time，not bad！第一次比賽得第三，已很比賽，繼續努力。」
