掃呢頁CODE去手機

2015年3月17日 星期二

寸嘴Barbie谷爆咪咪 令雞排妹拒絕合照? 雞排妹,鄭家純,夏尉喻,Barbie,



【Big到跌出嚟】寸嘴Barbie谷爆咪咪 令雞排妹拒絕合照?

2015-03-16 23:32:00



雞排妹寸嘴問記者:「你們好開心,你們滿意嗎?」

「雞排妹」鄭家純﹑關楚耀﹑寸嘴Barbie夏尉喻﹑許維恩﹑寶娣等,今晚喺圓方出席《台北夜蒲團團轉》首映禮,Barbie谷胸戰衣搶盡「峰」頭,咪咪谷到青筋暴現,令雞排妹也遜色。

現場有記者叫Barbie同雞排妹合照時,雞排妹竟然行開,並向台下經理人做口形:「不要跟Barbie合照」,點知記者繼續影,佢就唯有無奈行埋去合照,其間對住Barbie巨胸做古怪手勢,又向巨胸作狀啜嘴及咬胸,乘機搶鏡。

Barbie被問到點解谷到咁勁,佢好坦白話:「今日嚟M呀。(係咪墊得好勁?)同平時一樣之嘛,不過係特別日子,啲血運行得好啲。」講到谷到青筋暴現喎?佢話:「今日特別日子,血液流通啲,所以見到清楚啲。」

問到係咪雞排妹拒絕同佢合照?Barbie就話唔係:「佢條裙靚,怕我踩到佢裙腳。(怕你胸大?)我同佢關係好好,唔覺得佢怕咗我。」問到Barbie谷胸谷到唔自然?佢話:「都係想個效果靚,我喺屋企照鏡,覺得好自然。(今次為港爭光?)我唔敢咁講,不過係盡演員本份為電影宣傳。」

Barbie又謂嚟緊會去台灣宣傳,記者笑問要打醒十二分精神,話晒係人哋主場?佢就話:「我去邊到宣傳都會打醒十二分精神。」

記者讚雞排妹今晚着得sexy,佢就話自己唔係最性感,佢話:「因為會有人去做,所以我不需要做這角色。」講到佢拒絕同Barbie合照?雞排妹就解畫:「只不過我擔心自己儀容,因為今天好趕,所以下台弄一下。」佢又寸嘴表示:「你們太焦急了。(怕Barbie搶鏡?)不會怕,剛才拍照時,你們好開心,你們滿意嗎?」

而關楚耀被問到係咪好耐冇見呢班女演員?佢話:「唔係,之前嚟香港宣傳,帶佢哋四個飲茶,之前同陸永去台灣夜店去得多,今次來港都會帶佢哋飲下嘢,交流夜蒲文化。」問到台灣女演員平時衣着都係咁sexy?佢笑言:「諗起都呼吸困難,自從拍完呢部戲,好多香港男性朋友叫我帶團去台北夜蒲,叫我做夜蒲團團長。」



Barbie今晚性感打扮,「峰」殺其他台灣女星。





關楚耀與許維恩



Barbie自爆嚟M。



哇...哇...哇...睇住跌呀﹗



雞排妹作狀枕喺Barbie心口。



這些機會....



雞排妹咁樣搶鏡?





關楚耀被封夜蒲團團長。







(攝影:沈健程)

鍾意就快D Share啦!