吳浩康偷食斷到正，之前話心裡唔舒服嘅鍾舒漫，今日下晝正式出嚟見傳媒回應事件，理所當然成為焦點。雖然有相有片有証據，不過鍾舒漫同周慧敏一樣，話咁快就原諒咗偷食男。佢話：「佢(吳浩康)有同我say sorry，我同佢有溝通過，佢都知唔恰當，我哋已經處理咗，總之宜家大家都需要一個緩衝期休息，但呢段時間都會keep住互相關心同聯絡。」問佢會唔會分手？佢就話：「感情唔會咁易變第二樣嘢，唔好單憑一件事一個故事去睇一個人。(已經原諒咗吳浩康？)原諒咗佢」雖然口話原諒，不過之前兩個人明明講到談婚論嫁，但鍾今日就講到明冇結婚呢回事。「男女拍拖，對結婚有憧憬好正常，只係傳吓傳吓連酒席贊助都傾埋！」一講到婚姻大事，鍾舒漫對吳浩康仍有保留。
|
鍾意就快D Share啦！
|
|
|
