全城熱爆的娛樂八封新聞 & 時事趣聞 & 生活 + 趣聞
向來不拘小節嘅栢芝，着住浴袍俾化妝師集郵。睇佢個樣，真係愈大愈靚呀！
呢排《大時代》咁 hit，個個都研究班女星嘅凍齡秘訣。睇吓移居咗去新加坡嘅張栢芝吖，喺周日（ 24日）正式踏入 35歲，真係話大唔大，話細唔細嘅年紀咯。雖然電影俾人飛出局，但依家又傳佢有土豪新男友，唔使日夜顛倒咁開工，真係人都靚啲㗎！
嗱！栢芝呢幾日帶埋兩個仔返咗香港，順便慶祝生日。睇佢個樣，年齡逆轉緊，皮膚唔只 firm咗好多，蘋果肌又夠飽滿，先有咁嘅效果呢。媽咪姐都好羨慕栢芝咁 firm，下次見到佢，要問吓除咗出動美圖神器，仲有乜神奇秘訣先。
35歲之前有台灣遊客話栢芝揀地方，喺香港唔肯影相。睇嚟係一場誤會，事關佢生日前夕喺中環嘅餐廳被捕獲，仲好合作㖭。
18歲睇番栢芝 18歲初出道仲係 baby fat，依家面部肌肉 firm好多囉。
雖然話栢芝最近有土豪新歡孫東海，但愛情幾重要都好，有乜嘢幸福得過有兩個寶貝仔陪過生日吖。
