2015年5月9日 星期六

純天然凍齡靚媽 47歲楊羚︰我一針都冇打過 楊羚,





其他影片:>>






最近《大時代》成為城中熱話,連帶劇中舊演員都浮番上水面。尋日演細妹方敏嘅楊羚,接受電視台節目訪問。佢出名童顏,當年多數做妹妹角色,事隔廿年,佢依然係個凍齡靚媽。楊羚同從事旅遊業嘅老公Albert結婚15年,生咗一對仔女,全職做少奶奶,過着幸福美滿生活。依家佢的確脹咗唔少,不過睇佢超甜笑容,幸福到漏晒出嚟。

出自演藝世家,楊羚當然有戲癮。講開拍劇,佢話自己廿歲嗰陣,同記者講等臉上皺紋出現,希望可演成熟角色。到今時今日客串演出嘅都係母親角色,佢笑住話,「依家我重新講一次,我唔想有皺紋,以前鍾意亂噏。依家冇皺紋都可以做媽媽角色,相信冇人搵我演妓女角色啩!」楊羚把口就咁講,其實佢咁多年冇後天加工, 一早接受自己慢慢老

鍾意就快D Share啦!