掃呢頁CODE去手機

2015年5月26日 星期二

克勤自稱記憶差 爆校長靠Plasma提水 克勤,李克勤,



李克勤同容祖兒將會喺9月中合作開紅館演唱會,雖然佢哋早個幾月前,已經叫粉絲幫手命名演唱會,但至今都仲未有決案;祖兒仲話想場場唔同名唔同Rundown,克勤聞言即嚇一嚇,笑指自己癡得譚詠麟多,搞到自己記憶力都差埋一份。

容李2人今早上商台宣傳時,透露演唱會嘅籌備情況,克勤話:「依家有1000個idea,希望將最好嘅嘢放入演唱會。」祖兒即提議不如場場唔同名,而且Rundown唔同,克勤即反駁,話會增加成本,同埋會記死佢,更抵死暗寸譚校長,「成日跟住啲衰退嘅人做騷,搞到我都衰退埋」,又爆佢「睇慣咗plasma」,要喺演唱會「擺多啲plasma同埋啲dancers唔好阻住」。

被問到演唱會會唔會有勁歌熱舞,克勤笑指會做祖兒唔齊嘅影子,話祖兒已經介紹咗個跳舞老師畀佢,到時會跳個「本小利大嘅勁歌熱舞」。
鍾意就快D Share啦!