34歲錢思月疑因金錢問題被同居男友扼頸殺死，一名結識錢女多年的女友人向《蘋果》透露，死者錢思月在酒樓任職侍應，身材瘦削矮小，形容她十分顧家節儉，為搵錢養家，每天工作至少10小時，毫無怨言。
兩年多前，錢女在上水一間酒樓工作時，結識任職點心師傅的姓郭疑兇，朝夕相對加上對方的甜言蜜語攻勢下，最終無懼對方是有婦之夫，共赴同居，不久懷有身孕。友人表示34歲的疑兇性格一無事處，形容他「好鬼懶」，經常留在家中不上班，不時向錢女「攤大手板」，又曾聽聞他「打老婆打到入醫院，仲俾警察拉咗」。雖然曾出言相勸叫錢女離開，但均以「睇住個囝份上」而作罷。
直到4月28日，錢女放工返回新祥街的寓所時與疑兇發生爭執，期間更一度遭人用手勒頸，幸她及時出言哀求「老公你扼死我，之後你就要坐監，我哋有一個囝嫁。」，疑兇聽後遂即放手並帶錢女到北區醫院求醫，惟醫生見到傷勢後立即報警，醫院的社工更安排一單位予錢女入住。
疑兇之後多番致電錢女認錯，又承諾「唔會再打你，淨係鍾意你一個」，希望她回心轉意，雖然友人多番力勸，但看在兒子份上，決定回家與疑兇重修舊好，臨回家前曾答應友人「我無事啦，我識保護自己！」，其後又約定「唔會同男朋友再鬧交」，而最後一次見錢女便是5月1日，當時是陪她返回疑兇位於屯門蝴蝶邨的寓所探望兩歲兒子。
其後錢女兼職做保安員，賺錢請保母回家照顧兒子，惟疑兇長期賦閒在家，漸漸與保母互生情愫，厭棄錢女「三日唔埋就出手」，導致她全身「口腫面腫」，手腳瘀黑。上月底，友人便開始未能聯絡上錢女，直到日前從警方口中才得悉她失蹤多時。
該友人續指錢女情路坎坷，為了兒子的未來，即使飽受疑兇前妻的譏諷，又長期成為疑兇的「提款機」，對所有事都選擇啞忍，得悉錢女噩耗後，心情久久未能平伏，覺得惋惜，萬料不到5月一別便成永訣。
|
鍾意就快D Share啦！
|
|
|
