前組合Freeze成員石詠莉，上年因為參與舞台劇演出，同鄧健泓撻著，開展同居生活。雖然Freeze已經解散，但石詠莉仍然歌手夢未了，搵鄧健泓「揼水」出個人大碟。
今次石詠莉收起性感，大sell實力，翻唱伊健的《一生愛你一個》、許志安的《爛泥》同夏韶聲的《結他低泣時》等舊歌，並為每首歌重新編曲。
大碟入面，石詠莉翻唱杜德偉原唱嘅《如泣如訴》，仲拍埋MV。不過資金有限，石詠莉慳得就慳：「MV中有個比較親暱嘅動作，我特別請咗一個我好信用嘅臨時演員，用咗十蚊，真係好抵。」
原來呢個廉價勞工就係鄧健泓，兩人仲公器私用，喺MV入面公然攬頭攬頸。
