掃呢頁CODE去手機

2015年7月17日 星期五

周董錫老婆 坐月豪花十萬 [忽然1周 - 1042] 周董,周杰倫,MW,



媽咪姐

周董錫老婆 坐月豪花十萬

前幾日傳出昆凌喺上周五( 10日)剖腹誕女,周董最終透過公司分享喜訊話:「女兒很漂亮,我很開心!」但唔肯公開囡囡個樣同幾時出世,只係話昆凌搬咗去月子中心坐月。

媽咪姐收到風,周董同昆凌拍拖咁多年都好肯使錢。今次生女咁大件事,老婆坐月梗要五星級的照顧啦。最終,周董揀咗老友劉畊宏老婆住過嘅星級月子中心「愛兒家」,事關呢間走英倫風嘅中心,唔只有 VIP房同預留車位,老公仲可以留低過夜陪太太。中心包足 1日 3餐同補品,有護理人員照顧產婦同 BB,仲提供產後運動,幫助 keep靚身形。住足 1個月都係 40萬台幣(約 10萬港幣)。對周董嚟講,散紙嚟啫!

位於台北東區嘅愛兒家,開業 4年,裝修以英倫風格為主。其中最貴嘅 VIP房包車位,一晚就要 3千港元,最少住 15日。

周董透過公司回應傳媒,話自己初為人父手忙腳亂。不過老婆就上網讚周董做爸爸 100分。

同周董關係好到似兄弟嘅劉畊宏,老婆王婉霏連生兩胎,都係去同一間月子中心。

台灣女星吳辰君上年生囡囡 Mia後,都係去愛兒家坐月。

鍾意就快D Share啦!