2015年9月29日 星期二

李克勤甘心輸畀孫楠:佢係中國第一男聲 克勤,孫楠,李克勤,



李克勤甘心輸畀孫楠,又讚佢係中國第一男聲。

next 1/1 pre

李克勤再讚孫楠各方面都好勁。

next 1/1 pre

大騷球技!

next 1/1 pre

玩得勁開心。

next 1/1 pre

李克勤最近忙到爆。

next 1/1 pre

Robynn & Kendy

next 1/1 pre

大合照。

next 1/1 pre

李克勤與師妹Robynn & Kendy和師弟周殷廷一齊宣傳新歌《戀愛為何物》,四人即場着住特製「戀愛為何襪」大玩桌上足球。講到新歌宣傳安排,克勤表示:「依家唱片難做,公司同事就幫我諗咗依個宣傳方法,今次係新碟第三首派台歌,咁就食字玩吓『襪』啦。」他又笑言自己是工作狂:「啱啱先喺上海返嚟,又要忙到十月頭,得閒都係同太太喺香港玩吓,就算遠行都係去3、4日,始終小朋友要返學。」

講到克勤在內地節目《蒙面歌王》輸給孫楠,他直言覺得孫楠實至名歸:「佢係中國歌神吖嘛,佢係各方面都好厲害,依啲節目冇輸贏嘅,參加對我嚟講都係一個挑戰,今年有兩件事對我嚟講係挑戰,一個係《蒙面歌王》,一個係同容祖兒開騷,前幾年都過得太安全。」

談到在網絡投票克勤的得票比孫楠高:「總之就最後就係孫楠贏咗啦,我都輸得心服口服,有啲人問我入行咁多年仲參加節目,但我冇將前後輩擺上心,當係一個音樂交流,依家內地大方向都係依類節目,除咗名次之外都幫到喺內地嘅知名度,多咗歌迷聽我嘅歌。」 問到克勤有否因此增加了內地工作?他直言的確多了,談到他最近很忙,他笑言:「無計啦,家庭負擔重吖嘛。」

預告再出無綫騷

講到克勤與祖兒的演唱會完結後,紅館隨即改建成保良局的慈善騷舞台,而克勤更在微博打上「不是味兒」的字句,克勤直言:「就係不是味兒,但唔啲咩貶義嘅意思,就有啲忐忑,明明早兩日個台仲係我哋企喺度。」他又感謝保良局當日幫手協調才能加場。問到身為環球歌手的克勤幾時再演出無綫的騷,他即表示:「好快,10月10就有個騷,大家關係好好嘅。」

談到網上有人表示若克勤不是選擇唱譚詠麟(校長)的《披着羊皮的狼》會增加奪冠機會,克勤表示其實只要他不是冠軍都會有人覺得他揀錯歌:「因為今次係最後一首歌,情義結上會帶校長嘅歌上去,又係國語歌,今次又係戶外場,所以都揀咗首有氣勢嘅歌,冇話揀唔揀錯,係護身符。」

「東網巨星」fb專頁:

每日Keep住推介最「精」最「趣」娛聞,只需數分鐘,即可化身娛樂通,茶餘飯後唔驚冇話題。想加入熱議最hit最爆娛聞行列?呢個專頁真係不Like不可。

http://www.facebook.com/onccstars

鍾意就快D Share啦!