全城熱爆的娛樂八封新聞 & 時事趣聞 & 生活 + 趣聞
拍完賀歲片《賭城風雲 3》，發哥周潤發緊接要埋位拍《寒戰 2》，中間得兩個禮拜可以休息，但發哥冇偷懶，照常晨咁早出發去行山。
上星期二（十月十三日）下午四點，發哥行完山返屋企前，專登去咗轉九龍城，但一落車，就俾班街坊重重包圍，輪住等 selfie，發哥黃大仙有求必應，但為免再惹人潮，輪影完即刻上番車，兜個圈先再返轉頭去番福佬村道，見冇乜人，一二三走入間韓國菜鋪頭，原來佢要買外賣。不過唔係發嫂罷工唔煮飯，發哥加餸，係等老婆可以煮少兩味，幫輕吓咁啫！
Selfie完上車兜咗個圈，發哥去番原位落車買外賣，一身行山裝備嘅佢，腰腹一嚿嚿格仔，若隱若現。
落車行幾步不斷俾人截停叫影相簽名，人數仲愈圍愈多，發哥攝石一樣。
發哥話拍《賭城 3》除咗多舊拍檔，仲可以同李宇春、向佐等新人類合作，感覺好新鮮。
發哥拍戲，一部完再一部，從來唔會疊期，七月已經埋位開《寒戰 2》嘅郭富城、彭于晏，上個禮拜終於會到神級發。
撰文：八珍nextplus.nextmedia.com
