掃呢頁CODE去手機

2016年5月28日 星期六

【似足阿徐】11歲康堤同大劉用餐 長腿短牛散發少女味 __,阿徐,康堤,劉鑾雄,大劉,徐濠縈,

有錢人鍾意食咩未必估到路,但大劉劉鑾雄都估到一半,皆因日頭食晏就日日百食不厭,但係夜晚食咩就有啲變化。今晚,大劉同甘比一家,包括一對仔女:秀樺同JosephJunior,仲有甘比媽咪、甘比家姐陳詩韻母子,同埋大劉妹劉玉珍,去咗銅鑼灣嗰間DaDomenico嘆意菜,平時愛劉家自己人閂埋門一家食飯,今晚仲多咗徐濠縈同佢囡囡康堤。佢哋成班人食到9點半就走人,大劉一家同阿徐分開兩個門口走人,大劉舉家有成4 ...




其他影片:>>






有錢人鍾意食咩未必估到路,但大劉劉鑾雄都估到一半,皆因日頭食晏就日日百食不厭,但係夜晚食咩就有啲變化。今晚,大劉同甘比一家,包括一對仔女:秀樺同Joseph Junior,仲有甘比媽咪、甘比家姐陳詩韻母子,同埋大劉妹劉玉珍,去咗銅鑼灣嗰間Da Domenico嘆意菜,平時愛劉家自己人閂埋門一家食飯,今晚仲多咗徐濠縈同佢囡囡康堤。佢哋成班人食到9點半就走人,大劉一家同阿徐分開兩個門口走人,大劉舉家有成4部車,包括1部Maybach、3部7人車一字排開等緊佢哋,仲加埋4個保鑣,真係認真大陣仗。甘比家姐先拖住Joseph Junior開路,見Joseph Junior好醒目用手掩面,甘比媽咪就拖住秀樺隨後,甘比就拖實大劉殿後。大劉左手撐住3腳柺杖,右手就十指緊扣拖實甘比。唔知係唔係食得太夜,見大劉有點疲態,步伐較慢慢,同甘比慢行上Maybach坐駕。另外,阿徐就同包包就係另一門口走人,兩母女就一身潮人母女打扮,阿徐就穿咗件法牌Dress Gallery白色波點tee襯藍色斜紋長裙,而包包都唔輪蝕,就一身tee短牛襯羅馬涼鞋騷長蹆,11歲已經好有少女味,記者問到阿徐係唔係同大劉食飯,佢就笑一笑:「嘩!咁多記者!」

採訪、攝影:徐錦池、潘冠恩、吳耀輝 1部Maybach、3部7人車一字排開等緊大劉離開。 甘比家姐先拖住Joseph Junior開路,Joseph好醒目用手掩面。
甘比媽咪就拖住秀樺隨後 甘比就拖實大劉殿後。大劉左手撐住3腳柺杖,右手就十指緊扣拖實甘比。
阿徐同康堤由另一個門口離開 11歲嘅康堤,好有少女味

鍾意就快D Share啦!