查看相片
千雪BB放假都用嚟趕拍劇。
【東方日報專訊】藝人王浩信、蔡思貝和張振朗等，昨日聖誕節在上環拍攝無綫新劇《踩過界》中，眾人從單立文手上救回朱千雪的戲份。期間，蔡思貝就跟住張振朗用腳頂住架車，盡顯女漢子本色。提到王浩信與朱千雪一齊在《萬千星輝頒獎典禮2016》奪「最受歡迎劇集搭檔」，王浩信在訪問中指今次比之前更有火花：「但難度更大，因為觀眾會有更大期望。有信心嘅，呢段時間佢又再進步咗。」他又指因平安夜整日都要開工，所以一收工就會趕回家陪老婆陳自瑤同囡囡：「要準備小驚喜畀阿女，佢開始知道收禮物係開心嘅。」
至於千雪BB就透露趁放假兩周來趕拍自己戲份，提到她之前話過得獎會請好友岑杏賢食飯，她即謂27日晚會請，問到岑杏賢前男友袁偉豪會否一齊請女方，她說：「係同蔣家旻食，袁偉豪就應該要開工，同埋個獎係我拎，梗係我一個人請」
來源 source: http://hk.celebrity.yahoo.com
|
鍾意就快D Share啦！
|
|
|
