郭晉安話自己付出咗努力，享受個過程！
藝人郭晉安在尖沙咀出席無綫壓軸台慶劇《致命復活》大結局晚宴。談到大結局劇情幾乎盡透，萬綺雯是終極波士，他即在訪問中謂：「劇透還劇透，但係依舊好精彩，兩個鐘頭劇情都好緊湊。（滿意結局？）覺得個結局好好，個Happy Ending有另一個意義，因為覺得個人物終於醒覺，身邊嘅人喺過去嗰十年都有內疚，有唔同嘅內心嘢。（有伏線？）黃德斌頭一個鐘都死咗其實個故事裏面仲有另一個故事嘅！（蚊蚊唔喺度有遺憾？）都唔知佢去咗邊，可能佢返越南搵我。」
演技變成熟
提到他的演出獲好評，但可靠消息時其視帝票數三甲不入，他即謂：「係不過我自己就抱住平常心，自己付出咗努力，享受咗個過程。今年睇奧運見到李慧詩拎唔到金牌後，佢講嘅一句說話都令我好深刻，自己過去一年得到嘅嘢比拎金牌仲多，自己拍攝過程得到好多，演技成熟咗，劇本賦予咗我去另一個境界。」
恨原班陣容再合作
提到同劇的王浩信在訪問中指自己拍撞車戲後想自殺，問他是否同樣拍到有自殺傾向，他即謂：「演技都係一種藝術嚟，冇準則，大家唔好主觀。唔希望成日將辛苦放喺口邊，拍嗰時真係好享受，唔知幾耐先可以再遇到咁樣嘢製作。（好評夠？）係，用包容嘅心睇呢件事，結果係點都會接受。（續集？）原班人馬再合作已經好成功。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
