2016年12月25日 星期日

【滯留北海道】國泰稱冇航機返港 李嘉欣舉家機場留宿又冷又餓 __,嘉欣,李嘉欣,鍾嘉欣,

因札幌大風雪,致舉家滯留新千歲機場的李嘉欣(Michele),喺凌晨12點左右再接受《蘋果》獨家電話訪問同唔少旅客一樣,Michele由22號等飛機等到今晚仍然未能返香港。攰爆嘅Michele話50年一遇嘅大風雪無人想,但對國泰嘅安排的確不滿。佢話:「我哋一行7人由22號開始到今日,國泰每日都講到有得上機咁,叫晒大家嚟checkin,每個都係入晒閘、過晒海關,但最後就係話飛唔到,又要出番去。」Mi ...




其他影片:>>






因札幌大風雪,致舉家滯留新千歲機場的李嘉欣(Michele),喺凌晨12點左右再接受《蘋果》獨家電話訪問同唔少旅客一樣,Michele由22號等飛機等到今晚仍然未能返香港。攰爆嘅Michele話50年一遇嘅大風雪無人想,但對國泰嘅安排的確不滿。佢話:「我哋一行7人由22號開始到今日,國泰每日都講到有得上機咁,叫晒大家嚟check in,每個都係入晒閘、過晒海關,但最後就係話飛唔到,又要出番去。」 Michele稱:「今日都等咗10幾個鐘,啱啱先話冇得飛。呢度冇水冇嘢食,完全冇人理我哋,依家未有工作人員同大家講點樣安排,真係好混亂。」Michele又讚揚她乘坐的航班客人,大家都好明白事理,過去2天都冇人發過脾氣大鬧,但到今日好多人都忍無可忍。Michele同行友人亦謂:「真係嬲到震,係唔關安全問題,係因為國泰根本冇人開工,佢哋嘅解釋係機師呀空姐呀放晒工,人哋香港航空都依家有機可以走,但係國泰係無人開工,現場得兩個工作人員。」友人又補充謂:「成個機場啲舖頭又準時收工,完全冇嘢買,當我哋唔係人咁,走又冇得走。」機場內全部汽水機都已清空,乘客又累又餓苦候。本來安排他們在禁區等。但因為不能在該處留宿,故又勒令眾乘客離開;至於國泰方面仍未能保證明天是否有航班返港。大約凌晨1時,Michele友人再同《蘋果》講:「依家話每人賠Yen 2000俾我哋叫我哋出番去,我想俾番Yen 4000佢,叫佢俾飛機我走。同埋呢3日一直都只有2位國泰職員喺度,佢哋啱啱俾咗個新方案大家,話如果肯唔要個機位,可以俾番行李你,你自己離開,如果唔係就出番去禁區外等,朝早又排過隊入閘,真係痴線架!」

禁區內垃圾桶滿瀉,旁邊嘅汽水機全部亮紅燈,冇晒嘢賣。 乘客鼓譟,仲出動警察維持秩序。

來源 source: http://s.nextmedia.com
鍾意就快D Share啦!