2017年3月9日 星期四

【屋、樹、人心理】顧修全92年「神算」星爺未來…網民驚訝講中晒! __,星爺,周星馳,

心理學博士顧修全喺90年代不時上電視節目,分析一啲人嘅心理,由於多數以「中間分界」或「allback」髮型現身,令觀眾影響深刻!顧修全博士曾心理趨勢經 ...


心理學博士顧修全喺90年代不時上電視節目,分析一啲人嘅心理,由於多數以「中間分界」或「all back」髮型現身,令觀眾影響深刻!顧修全博士曾心理趨勢經上過DoDo姐(鄭裕玲)嘅1992年嘅清談節目《鄭裕玲星夜傾情》其一集講周星馳嘅心理趨勢……話晒星爺喺90年代事業處於高峰時期,當時唔少人都想知佢未來走勢!?咁顧修全當年覺得星爺係「好似漫不經心、有少少無厘頭,其實星仔嘅無厘頭係有得睇,佢個人基本上有好多嘢好無奈,唔係幾開心」,顧修全又指星仔無奈係因為份人上進心好強。顧修全又話睇星仔張相:「好似咬牙切齒咁樣,如果我哋睇清楚星仔呢個人,佢個上進心好強、佢競爭性好強,佢係一個唔願意屈居人下嘅人,所以佢同吳孟達上契,好似係佢(星仔)做契爺。」佢又喺節目中講出星仔未來嘅走勢:「我會話呢個人因為佢嘅性格,佢係好上進,唔願意被人踩低,喺電影圈入面,做演員有時好似一盤棋做棋子,佢鍾意做棋王,佢唔會做棋子,所以我話佢第日會做老闆,佢會退居幕後。」鄭裕玲問係唔係即係拎錢出嚟拍戲、搵啲人做吓棋子,顧修全即點頭示意:「佢係一個喜歡操縱人,唔喜歡被人操縱。」咁睇番星爺o依家呢,又真係退居幕後,主力做拍攝同後期製作,拍《美人魚》、《西遊·降魔篇》等。呢條片現時可以喺YouTube重溫,網民留言「今日睇番轉頭講中晒」、「以前看過,o依家再看番,真係準」、「現在成事實了」。此外,顧修全亦慣用「屋、樹、人心理畫分析」,佢試過喺TVB節目《靈通天地線》,講過1996年涉嫌殺兄但被判無罪嘅新聞人物黃冠高,節目搵咗黃冠高畫咗一幅畫,俾顧修全分析黃冠高嘅內心世界。佢話黃冠高入唔到自己嘅內心世界,見畫中花同樹,佢指畫呢啲都係代表雙親:「爸爸係高一啲(棵樹)、媽媽矮啲(棵樹),媽媽呢棵樹係好混亂,相信呢個屋企,如果有唔開心嘅嘢,往往係媽媽特別受傷得犀利,而呢個作者應該受女性影響大好多,因為中間見(公仔)佢同一個好長頭髮嘅女仔傾偈,潛移默化,佢受媽咪影響係好多,如果佢媽咪係受屋企影響唔開心,個作者都係唔開心」、「佢係好鍾意媽咪、好鍾意家人,佢畫咗一隻狗衝向屋企,佢就即刻踩車去保護家人,唔俾隻狗傷害家人。」去幫助觀眾去瞭解一啲奇案嘅人……

星爺喺90年代事業處於高峰時期。資料圖片 DoDo姐1992年清談節目《鄭裕玲星夜傾情》。網上截圖
搵咗顧修全博士講周星馳嘅心理趨勢。網上截圖 顧修全講星爺第日做老闆,會退居幕後。網上截圖 又指做演員有時好似一盤棋做棋子,不過星爺鍾意做棋王。網上截圖
顧修全又話星爺係一個喜歡操縱人,唔喜歡被人操縱嘅人…(網上截圖) 又咁啱…今日星爺又真係搞幕後製作噃… 有網民近年睇番顧修全講星爺呢條片。網上截圖
(網上截圖) (網上截圖) 1996年涉嫌殺兄但被判無罪嘅新聞人物黃冠高。網上截圖
節目《靈通天地線》搵咗黃冠高畫咗一幅畫,俾顧修全分析內心世界。網上截圖 顧修全慣用「屋、樹、人心理畫分析」。網上截圖 佢指畫樹代表雙親,爸爸係高啲棵樹、媽媽矮啲棵樹。網上截圖
黃冠高公仔同長髮女傾偈,潛移默化,佢受媽咪影響係好多。網上截圖 黃冠高畫咗一隻狗衝向屋企。網上截圖 黃冠高嘅公仔即刻踩車去,反映佢內心係保護家人。網上截圖
顧修全又指屋企出面有圍欄包住,係反映黃冠高入唔到自己嘅內心世界。網上截圖

來源 source: http://s.nextmedia.com
鍾意就快D Share啦!