2017年4月24日 星期一

【獨家】38歲人妻阿夢殘爆 拖囡囡行街魂遊太虛 __,阿夢,岑寶兒,

前大台藝人「阿夢」岑寶兒於2014年閃婚,嫁畀拍拖唔夠半年嘅桌球室太子爺莫如迪,現育有兩歲囡囡Hebe,婚後逃離娛樂圈嘅阿夢專心相夫教女,日前一家三口 ...


前大台藝人「阿夢」岑寶兒於2014年閃婚,嫁畀拍拖唔夠半年嘅桌球室太子爺莫如迪,現育有兩歲囡囡Hebe,婚後逃離娛樂圈嘅阿夢專心相夫教女,日前一家三口齊逛康怡嘅百貨公司,喺玩具部陪囡囡玩射籃球,被《蘋果》讀者Alice透過「爆相爆片」分享。讀者Alice喺電話表示:「大約下晝1點,見到佢同先生陪囡囡玩,佢好似未瞓醒,射咗幾下籃,全程都係吽吽哣哣跟住行,好搞笑,我同老公講佢好似係阿夢,老公話係咩?冇化妝差咁遠,我哋同佢揮手,佢都冇反應,好似魂頭唔喺度!」記者致電阿夢,佢喺電話大叫:「我冇化妝喎!好殘喎!真係警愓我點都要化少少妝出街,我諗有2歲小朋友嘅媽咪都係咁上下,冇時間處理自己,要專注喺小朋友身上,所以我覺得正常,冇乜問題。」問到湊BB係咪好辛苦?阿夢話:「公平嘅,以前阿媽都係咁湊我,我都有菲律賓姐姐幫手,不過今日星期日佢放假,自己要處理家務同湊女。」對於被指真係好似發夢魂遊太虛,阿夢坦言:「因為我仲餵緊人奶,我個女成日夜晚驚醒,我就要餵人奶,隨時stand by,佢唔瞓我又冇得瞓。初初係我想佢食全人奶,諗住到一歲畀奶粉,但佢唔食,到o依家都戒唔甩,所以我長期喺佢身邊,但我覺得值得,佢頭一歲都冇病過,第一次睇醫生係出牙仔。通常做阿媽都係屋企最遲瞓嗰個,就算佢瞓咗,我都要處理佢啲嘢同洗奶樽,夜晚工人都要休息。」問到有冇諗過復出?阿夢表示:「其實先生想我暫時唔好做嘢住,佢想我湊到個女3歲,自己都覺得應該嘅,有時睇番佢嘅相片,真係時光飛逝,自己好珍惜同佢一齊。」問到婚後生活係咪好幸福開心?佢話:「正常囉,o依家多個小朋友,成個家庭係和諧嘅。有啲人話:『你就嘆啦,淨係湊女。』好多在職媽咪覺得少奶奶好舒服,其實唔係,我都覺得做嘢好,有得放工有假期,但全職媽咪冇假期,所以自己覺得做全職媽咪係幾偉大,我都接受。」

真係變咗好多,化妝真係好緊要 玩得好開心咁喎 ( 讀者Alice提供圖片) ( 讀者Alice提供圖片)
個樣係攰咗啲嘅( 讀者Alice提供圖片) 當年嘅阿夢(資料圖片) (資料圖片)
(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...