無綫藝人曾守明在廣州登台演唱途中突然猝死，曾太即今早凌晨5點多直奔到廣州為丈夫辦理身後事，曾太在電話中強作鎮定受訪，她表示抵達廣州時，要先到當地公安所為亡夫辦理死亡證，然後先可以將佢遺體送到殯儀館暫時安放，她說：「我依家都好亂。安排緊啲手續、文件上嘅嘢，會將佢遺體搬返嚟香港。」
「出去」成遺言
曾太表示丈夫昨日是早上11、12點出門口上廣州登台，守明說：「出去」估不到成為對曾太的遺言。曾太在18歲獨子、姐夫及姨甥仔陪同下上到廣州，看到丈夫遺容，她坦言至今仍未接受丈夫離去的死訊，她說：「佢係兩點半左右離開，我哋五點幾上到去，佢已經走咗，塊面都凍凍哋，唇都青青哋。」曾太表示丈夫兩年前是有心血管疾病，但已經好番，不過一路有食藥，她說：「之前佢又冇咩唔舒服，係突然間，我上到廣州有問過嗰晚同佢一齊嘅朋友，佢哋都話守明冇特別嘢，食海南雞飯。」
急救時曾有過一下有知覺
據曾太了解丈夫是演唱途中突然成個人冇意識倒下，她說：「啲人話佢謝晒，現場有人幫佢做心外壓，當救護員到場，即場幫佢做自動體外心臟去顫電擊，佢有過一下有知覺，隻眼擘開過一下，但之後都搶救唔到死亡。」因為守明死得太突然，她坦言一時間難以接受，她說：「佢都已經慢慢肥番，我唔知係咪表演場地環境好多人，太焗熱親？又或者係佢唱歌太hyper，心肌會唔會跳得快啲，呢啲我真係唔知。」
曾太表示守明一直是在表演場地進行急救、搶救，沒有送到醫院，但搶救了太約80分鐘最終不治，便直接送往殯葬服務中心。問到曾守明死因，她表示：「我諗心臟病！」今日她會先行返港，由於今日是假期，幫丈夫辦理死亡證的手續，最快都要明日，估計曾守明遺體最快都要星期二先運返香港。
入境處通知老公出事
要幫守明辦理身後事，曾太表示暫時經濟未有問題，她說：「佢有買保險，保險經紀都有打畀我，暫時未知需要幾多錢，初步知道運屍返港嘅運費係二萬幾蚊人民幣。」曾太表示今次與丈夫一齊上廣州嘅區瑞偉及鄭家生等，因為沒有她的電話聯絡，是上面的朋友知道丈夫曾經做過輔警，輾轉由人民入境事務處打電話聯絡她，她才知老公出事，她說：「佢哋打畀我叫我有心理準備，話佢失救。」
|
鍾意就快D Share啦！
|
|
|
