掃呢頁CODE去手機

2017年4月1日 星期六

【韓流】涉酒駕CCTV畫面曝光 金賢重被爆講大話 __,金賢,金賢重,

【韓流】涉酒駕CCTV畫面曝光金賢重被爆講大話即時娛樂2017-04-0111:04:33HKT2月退伍嘅金賢重再惹是非韓媒公開涉酒駕當日CCTV嘅畫 ...


【韓流】涉酒駕CCTV畫面曝光 金賢重被爆講大話

即時娛樂
2017-04-01 11:04:33 HKT


2月退伍嘅金賢重再惹是非



韓媒公開涉酒駕當日CCTV嘅畫面,直指金賢重講大話

韓劇《感激時代》男星金賢重日前被韓媒爆料涉酒駕遭吊銷駕照,當時其所屬事務所以「應泊車職員嘅要求,為咗移車僅開咗不足1km」辯解,不過噚晚韓媒《Channel A》公開當日嘅CCTV畫面,直指金賢重方面講大話。

報道透過CCTV畫面指出,上月26號凌晨1點半左右,金賢重駕駛嘅高級車喺交通燈前停咗15分鐘,交通燈換咗綠燈要開車佢都冇反應,導致後面嘅車輛要稍稍繞道離開,15分鐘內總共有23架車經過佢都冇動靜,直到其中一位駕駛人士報案先發現金賢重涉酒駕喺車內瞓着咗。

而報道又指金賢重由餐廳到被發現酒駕嘅交通燈號,足足有3km嘅路程,與事務所解釋嘅「不足1km」不符,推斷當時金賢重係返屋企途中,認為所屬事務所有講大話打算隱瞞之嫌。

而金賢重所屬事務所隨後再次發聲明表示:「對於做錯事冇想要辯解嘅意思,只係陳述我哋向金賢重本人確認後嘅當時情況,就好似一開始咁講,金賢重已經意識到酒駕嘅唔啱,目前留家反省中。」

《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。


鍾意就快D Share啦!