熱爆娛樂: 【再賀安以軒】一周飛勻英國→香港→台北洗米華今晚又去飲松岡喺… _

2017年6月23日星期五

【再賀安以軒】一周飛勻英國→香港→台北洗米華今晚又去飲松岡喺… __,松岡,安以軒,洗米華,周焯華,松岡李那,

澳門古天樂———周焯華（洗米華）據知其實係冇私人飛機，或者，佢真係應該買番架。啱啱先至去完英國，唔知係冧女定公幹，行色匆匆嘅洗米華，咦，又飛喇！前日返港，今晚去台北，出席安以軒同澳門百億富商—德晉集團CEO陳榮煉於台北文華東方酒店舉行嘅婚宴。之前洗米華就係同松岡李那出席安以軒喺夏威夷嘅婚禮，火辣攬腰共舞令關係曝光，但今晚就未見松岡相陪，女方現身在日本。而且綜觀洗米華左右都係仔，同席仲有向華強同向太陳嵐，向太仲祝福新人「永結同心白頭到老」。

（台灣蘋果日報圖片）	洗米華低調入場。（台灣蘋果日報圖片）	同台嘅仲有向太。（台灣蘋果日報圖片）
最初好似悶悶不樂。（台灣蘋果日報圖片）	（台灣蘋果日報圖片）	（台灣蘋果日報圖片）
之後就傾得開懷。（台灣蘋果日報圖片）