愛慕才子的唐寧，今日凌晨由經理人代為於社交網站宣佈離婚，與舞台劇導演兼演員鄧偉傑離婚。結束近7年婚姻。有報道指唐寧另結新歡，決心離婚，鄧偉傑苦求不果。今日有周刊以唐寧離婚做封面，報道亦指她秘交新歡，且已搬離大埔黃魚灘村愛巢，遷入嵐山。報道指唐寧與鄧偉傑去年仍然甜蜜過情人節，約半年後關係生變，兩口子不時起爭執，及後女方更主動提出離婚。報道引述知情者稱，鄧偉傑對此深受打擊，但努力挽救仍未能令唐寧回心轉意。鄧偉傑接受周刊電話訪問時，被問及是否分居，他未有否認，只反問消息來自何方。記者再追問時，鄧支吾以對，只著記者問番唐寧。當記者再追問是否有第三者介入，他即匆匆收線。鄧偉傑對離婚一事不願多談，其實睇番佢嘅個人fb，亦發現自從去年一月，與唐寧及囝囝俊俊，幫細女嗡嗡慶祝一歲生日後，就已經唔再見到佢上載一家四口嘅合照。今年情人節，佢就轉發番去年情人節，一班朋友去咗佢屋企拜年嘅post，相信佢仍好懷念同老婆仔女過節嘅日子。至今年4月27日，鄧偉傑更以灰地白字留言寫住：「Be myself Just meself」，而鄭啟泰亦留下三個加油貼圖俾圖，同時亦有好多朋友讚好以示鼓勵。雖然一家四口嘅相已經好少出現，但就可以肯定鄧偉傑依然好關心唐寧，好似臨近母親節，就見佢連發四次有關唐寧同一對仔女，幫國際培幼會宣傳短片。
| (資料圖片) | | |
| | | |
來源 source: http://s.nextmedia.com
|
鍾意就快D Share啦！
|
|
|
