熱爆娛樂: 內衣騷失守露暈混血女模陳瑞瑩淡定整理 _

2017年6月10日星期六

內衣騷失守露暈混血女模陳瑞瑩淡定整理 __,陳瑞瑩,底衫褲,內衣,

霍啟山前緋聞女友模特兒Lea T.、混血模特兒陳瑞瑩噚晚喺中環為一家內衣品牌行騷，Lea T.有貼乳貼防走光，而陳瑞瑩喺最後一套內衣示範時走光，左胸露出乳暈，經現場工作人員提示後，即處變不驚咁整番好件內衣。Lea T.講到近況，佢話今次行騷好緊張，好彩平時有做運動，打BOXING，喺內衣騷之前都專登去做運動。佢話暑假會返歐洲探屋企人，仲會帶埋男友，佢話：「都係，其實我每年都會返去探屋企人，同埋香港太熱」問佢拍咗拖幾耐？佢話：「都10個月。一開始一段關係都係甜蜜，我哋會成日去郊外野餐。」問佢男友介唔介意佢着到咁性感？佢話：「佢陣間都會嚟，不過佢唔慣面對傳媒，佢唔係圈內人，佢話如果見到我太性感，會用毛巾遮住我，哈哈！」張名雅生B後見人，佢話：「o依家係放產假，係屋企湊B，會拍廣告。」見佢已經成功修身，佢話：「自己好彩，大肚無咩點肥，生完有做運動，餵人奶，真係好辛苦，但係一唔夠瞓又擔心乳量唔夠，都係盡量餵，都會俾B飲奶粉。」佢話BB係大碼B，可能係因為餵母乳，將佢啲脂肪吸晒。

攝影：馬建華	陳瑞瑩換咗兩件性感內衣，都唔小失守。
經工作人員提點，陳瑞瑩（右）先不慌不忙整理好內衣。	Lea T.早有準備，做足防走光措施。	張名雅餵緊母乳，BB好有營養變咗大碼B。