林雅詩在馬國拍片惹風波，今早已經秘密返港。
藝人林雅詩（Grace）近日飛到馬來西亞工作，但日前在Facebook玩直播時聲稱被搶手袋，峰迴路轉，之後突然「轉軚」表示只是誤會一場，事件十分離奇，引起當地民眾及傳媒高度關注，質疑Grace「造假」，馬來西亞警方發言人表示要求Grace必須澄清為拍戲，並建議有關方面考慮將她列為不受歡迎人物，禁止日後再進入馬來西亞！
而亦有當地傳媒訪問一位不願開名、但在文冬文化街工作的員工，指「搶手袋」事件並非真事，見Grace玩直播期間附近亦有攝影機，當發生「搶手袋」後，現場有人上前查詢，有人回答是在拍片。
林雅詩繼續潛水
事件發生後，有Grace與其經理人馬天樂「潛水」沒有為事件解釋，東網多次致電Grace仍然沒有聽電話，最後馬天樂接聽電話，坦言Grace今早已經返港：「Grace佢今朝已經返咗香港，佢依家唔舒服唔方便聽電話，多謝大家關心。（依家事情發展成點？）我哋暫時唔作出任何回應。（提早返港？）本身都係今日返港。（過關有冇阻滯？）冇。（有冇接受馬來西亞調查？）暫時冇回應。（Grace幾時出席公開活動？）暫時未知，多謝大家關心。」至於有網上指出馬來西亞有關方面表示為Grace事件到警局備案，馬天樂則表示：「人哋做咩我唔係咁清楚。」
來源 source: http://hk.on.cc
|
鍾意就快D Share啦！
|
|
|
