前亞視高層冼偉智的父親、亦即王祖藍的外公冼國強，上月因在家中跌到逝世，享年84歲。冼偉智早前在facebook公佈亡父舉殯日期，並透露爸爸走得好急，雖然他和祖藍雖分別有趕到醫院，未能見父親最後一面。（新聞連結： http://bit.ly/2sh1OeI ）冼偉智今日假萬國殯儀館為亡父設靈，靈當內見到「細細粒」陳嘉佳、徐子珊、鄧萃雯、葉家寶、林志華和潘嘉德等有送上花牌，接近下午5點，細細粒到逗留15分鐘左右就離開，她離開時表示趕時間，但指祖藍家人不是太傷心，因冼國強已經80幾歲。冼偉志接受傳媒訪問時透露心情已回復，又指爸爸病重時正和祖藍在東莞搞演唱會，最初有考慮過要延期，他說：「加上早前佩華姐（資深電影人陳佩華）走咗，大家都唔開心，最後決定如期進行，返嚟香港才辦理身後事。」冼偉智指見不到爸爸最後一面：「因為好突然，無端端有篤痰頂住喉嚨就走咗。」問到爸爸本身有無老人病？冼偉智表示 :「冇㗎，本身好精神，過往經常戴住祖籃送畀佢嘅cap帽去行街睇戲，今年2、3月時候跌倒，開始情況變差，住咗近兩個月醫院，上個月中走咗。」他又透露今次舉殯選用道教儀式，尊重爸爸信仰。問到爸爸有無心願未了？冼偉智話：「都冇乜啦，大部份都實現哂，佢好鍾意車，我哋都整咗啲車，小小心意，希望佢收到，姐姐（即祖藍媽）同啲孫都好唔開心，因為我哋個家庭係好緊密，經常聚會見面。」問到爸爸有沒有想祖藍快點生仔開枝散葉？冼偉智話：「佢梗係希望啦，祖藍都知道長輩嘅希望，佢哋二人世界到差唔多就會生小朋友㗎喇。」祖藍母親亦都喺靈堂內，不過由於本身信仰關係，故只穿黑色素服現身。祖藍約於晚上6時10分到靈堂，他透露從外地趕回來，見佢一身黑色打扮，雙手合十，他稱今日不會講太多，還向傳媒致歉：「唔好意思，辛苦晒。」祖藍更透露太太李亞男今日不會來。祖藍入到靈堂後和母親一起坐，又耳語一輪，情緒不算激動。
| （攝影：陳順禎） | | |
| | | |
| | | |
| |
|
鍾意就快D Share啦！
|
|
|
