兩人分手後第一次合照。
藝人唐詩詠與洪永城（Tony）現身無綫節目《群星拱照big big channel》，兩人自分手後首度同場，詩詠接受訪問時透露有於後台與Tony打招呼及交談近況。問到已放下這段情？詩詠感慨謂：「呢啲就要慢慢。（仲咪仲需要時間？）好難答。（搵新戀情？）冇呀！慢慢！（出去識番個）有難度，所以冇得諗，唔諗先會嚟。（唔心急？）事業可以為自己打算，愛情好難，最重要係有機會了解清楚，所以再遇到都想慢慢認識吓先。」
同圈內人拍拖有難度
詩詠坦言要再找圈內人拍拖有難度，但圈外男士亦相對地怕了她。問到是否之前與Tony相戀時未夠了解？她謂：「每個階段都唔同，依家係會慢慢拖長啲時間，但兩樣嘢都唔可以混埋一齊講。」更指剛完成無綫劇集《棟仁的時光》拍攝，稍後將與幾位女性朋友外遊，好好享受閨蜜之旅。
力撐王浩信
談到拍檔王浩信被指婚變，詩詠表示也是從新聞上獲悉，更指分別與他們合作過，力撐二人依舊幸福：「浩信同我分享好多小朋友嘢。（冇分享太太？）演員未必會將家庭帶到工作，但我感覺到佢哋幸福嘅，唔覺有咩問題。」
而詩詠結束訪問後，剛巧Tony經過其身邊，在場傳媒即要求二人合照，Tony全程表現尷尬，與詩詠中間還有一大條空隙，二人拍照後更沒交流，還一個向左走，一個向右走離開。
來源 source: http://hk.on.cc
|
鍾意就快D Share啦！
|
|
|
