「咪神」高海寧（高Ling）與10A港姐麥明詩（Lousia）在8號風球仍生效時（天文台在下午1時20分已改發3號風球），於將軍澳出席超市開幕活動。高Ling化身性感「美人魚」，着上魚尾裙加白色露腰裝晒背，雖然封胸但感覺非常「澎湃」，又微露事業線，成功撼贏着露肩透視裝的麥明詩！兩人又在台上與日本熊本熊跳舞，接受訪問時，高Ling坦言未學過到場時才即時學：「最緊要畀到開心氣氛畀大家。」提到於風球下仍出席活動是否獲更高酬勞，她們只表示因超市負責人由日本遠到而來。問到二人如遇打風會做甚麼？Lousia稱會去睇戲，而高Ling則謂在家中看電影和下廚。
叫人唔好諗歪
講到Lousia有份主持的J2台節目《後生仔傾吓偈》被指意識意淫時，她謂：「佢咁講即係自己都有呢個諗法，冇資格去話人。（覺得意識低俗？）有想像空間，但個節目係講年青人嘅社會問題，盡量貼近番社會。」而高Ling則指每個節目都有賣點，這節目是年青人關注的話題：「唔好諗歪，要學識正面反面，要諗得全面少少。」Lousia又謂每個人有不同的定位方式，節目有些主題都較有學術性和敏感，而中國人對這方面都比較避忌，反而應該討論多些。
麥明詩唔幫「財困」林作
此外，提到林作昨日出席書展時表示視台灣女星張鈞甯為女神，Lousia說：「唔知道，佢好多女神。上年話馮盈盈係女神，佢比較關注港姐。我記得張鈞甯都係讀法律。」對於林作表示自己碌爆卡有財困，她即說：「碌爆卡即係冇財困，可以碌爆卡都唔少錢。（有搵過你幫手？）冇。男女財政應該獨立，我八號風球都出嚟做嘢，為咗將來冇財困。」
-------------------------
東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/
如仍未更新東網App，請按此連結收睇360影片： https://goo.gl/NRJmKN
|
鍾意就快D Share啦！
|
|
|
