現年50歲嘅武打演員鄒兆龍，以《九品芝麻官》嘅「常威」一角深入民心，佢同89年港姐太太翁慧德結婚18年，婚姻生活看似幸福，但最近卻在名為「鄒兆龍出軌記錄」嘅微博帳號，被一名女子爆料劈腿，該名女子仲公開佢同鄒兆龍嘅甜蜜微信語音互動，及一系列摸腿照，甚至透露交往期間，鄒兆龍曾幫佢洗內褲，怒轟鄒兆龍腳踏好幾條船，係個無情無義嘅賤男，消息一出引發網友熱議。
該名女子控訴，佢同鄒兆龍認識兩年後，盡地主之誼照顧佢，「我把他當朋友，他卻想睡我，把我灌醉得到我，之後我並不理他，他每天從早到晚甜言蜜語轟炸，甚至給我洗內褲，洗腦說要離婚這些詞，怪我年輕意志力差了點」。佢話：「鄒先生甜言蜜語溫情攻勢，又各種承諾，後期陷進去了。」
該女子話鄒兆龍信誓旦旦同佢講，生咗個女兒之後，同老婆6、7年冇性生活，好耐之前就搞離婚。該女子話自己每日都等，受盡煎熬，講過無數次分手，但又被鄒兆龍氹番，叫佢等，「想念的眼淚不知流了多少，甜言蜜語都是假的」。令佢最意想唔到嘅，就係佢後來發現原來仲有小四、小五、小六，當發現鄒兆龍腳踏幾條船之後，對方嘅態度轉趨冷漠，仲將佢嘅微信抹黑，「這次被劈腿讓我見識了什麼叫冷酷無情」。
佢隔空向鄒兆龍喊話：「我們睡在一起的日子少說150天吧？ 想害你為何不拍個床照？錄性愛視頻？你的自私和最後劈腿時做法逼的我站出來說話！你私欲太重！」該女子表示，自己發表這一系列證據並不是為錢，而係為咗揭露鄒兆龍嘅真面目。
有關鄒兆龍傳婚外情，佢嘅經紀人孟凱綺前天在微博上回應，稱所有爆料為不實言論，目前已經交給警方和律師處理，「那個女的在網上散布謠言，破壞龍哥名聲，我已找專業人士鑑定，很多照片都是PS出來的」，還譏諷女方「這樣一個有心機的女人，不配我理她，我不想讓這個女人利用龍哥來炒作自己，想紅想瘋了吧，用這種下三濫的手段」。
|
鍾意就快D Share啦！
|
|
|
