甄子丹話唔會壓力仔仔，等佢自己去揀。
「宇宙最強」甄子丹於主演電影《追龍》內雖演反派，但與幾位結拜兄弟的感情線有情有義，加上為保護家人不顧一切，演出讓人動容。子丹直言自己有投放個人性格於角色之內：「（保護家人、朋友）呢個係中國人嘅傳統，我本身係family man、屋企最重要。我前後考慮咗4個月先決定接拍，係一次挑戰嚟嘅。劇本剛出，我就約幾位『兄弟』出嚟食飯先，其中甄家班出身嘅喻亢扮我啞巴兄弟，我覺得佢好有幕前演出天分！」
情歌冧老婆
除擔演男主角外，子丹今次有染指幕後，對音樂部份尤為着緊，就連選用樂器他也細心兼顧。原來他於家中不時會為太太汪詩詩唱情歌製造驚喜，又試過以對方英文名字「Cecilia」作歌。談到「前世情人」女兒甄濟如的藝術天分，子丹笑得開懷：「平日佢都怕醜㗎，不過佢一上到台就令我好震驚。其實又冇好似外界咁講，一定要佢大學畢業先可以入行，總之行行出狀元啦，但我哋一定唔會為佢舖路，要靠佢自己努力。」
唔擔心阿女早熟拍
子丹坦言由於家庭環境簡單，一對子女思想單純，故不擔心13歲女兒早熟拍拖，更打趣指9歲仔仔甄濟嘉至今間中會「很BB」冧爆他。至於會否打造仔仔成「甄子丹第二」，子丹表示：「打功夫型、做運動係好，但我唔會畀壓力佢。」
來源 source: http://hk.on.cc
|
鍾意就快D Share啦！
|
|
|
