2017年9月11日 星期一

又係悲傷收場!王浩信朱千雪夠晒命苦 __,王浩信,朱千雪,千雪,

睇見佢哋,真係心都痛呀!尋日《踩過界》開始進入大結局倒數,王浩信同朱千雪呢對苦命鴛鴦最終都唔可以喺埋一齊,悲傷收場,睇到一眾網民喊晒口!但其實王浩信同 ...


睇見佢哋,真係心都痛呀!


尋日《踩過界》開始進入大結局倒數,王浩信同朱千雪呢對苦命鴛鴦最終都唔可以喺埋一齊,悲傷收場,睇到一眾網民喊晒口!但其實王浩信同朱千雪呢對螢幕情侶已經唔係第一次悲劇收場。

情深對忘情

之前喺《EU超時任務》入面,情深嘅渠頭(王浩信飾)為咗救番糞箕笠(朱千雪飾)嘅命穿越時空,而代價就係糞箕笠所有記憶冇晒,仲當正渠頭係仇人咁!留下有記憶嘅渠頭,企喺「忘情」嘅糞箕笠面前,嗰種「而你不知道我愛你」嘅悲哀,世上最遙遠嘅距離莫過於此!

相愛不能愛

正當觀眾以為佢哋可以喺《踩過界》入面再續前緣嘅時候,無情嘅編劇又再次將佢哋拆散!最慘嘅係,Yanice(朱千雪飾)被人誤殺,仲要喺文申俠(王浩信飾)死去,又係總差一點點,明知相愛不能愛,令人感到唏噓!

最苦命螢幕情侶

佢哋呢對苦命鴛鴦,真係令人好想大叫「邊個夠你慘!」,佢哋被喻為最苦命螢幕情侶,真係實至名歸!由於佢哋演得太好,令觀眾入晒戲,紛紛留言叫問點解要搞到咁慘,群情洶湧!唔知編劇會唔會應劇迷要求,憐憫呢對苦命情侶,整番一個雙結局,有番個Happy ending呢?


來源 source: http://hk.on.cc
鍾意就快D Share啦!
Related Posts Plugin for WordPress, Blogger...