天王郭富城（城城）出以品牌優雅形象大使為Longines（浪琴表）慶祝185周年慶典主持揭幕，魅力沒法擋的城城甫出場就吸引了逾百名途人衝出馬路圍觀，險象環生，吸引力強！
城城獲品牌送上一雙Master名匠系列情侶腕錶及一座馬匹搖椅，而腕錶盒內更印上家庭成員首個英文字母「A、M、C」和中文字「仨」組成的圖案。受訪時，城城表示尚未為女兒改中文名，至於英文名尚未確實：「品牌問我有冇幫囡囡改名，我就鍾意C字頭嘅名，叫Chant，即係有希望嘅意思，係我同太太一齊改。」
同家人慶生最開心
本月26日將踏入52歲的城城直言今年生日特別開心！問生日願望？他說：「我覺得要不斷創造自己夢想，當一個夢想實現就要定下一個目標，人生先會有意義。」他認為工作及家庭同樣重要，現階段家庭很完滿，在工作上要更加努力去達成未完成的願望：「例如拍更多好電影、唱歌開演唱會，另外自己創立嘅皮膚護理同沐浴產品嘅品牌會做得更好，得到更多人接受，都希望自己計劃同夢想會慢慢實現，同時可以同品牌繼續合作落去，以及開發更多自己品牌。（生日會點過？）會留喺香港，咁啱嗰日唔使開工，我依家好簡單，就係返屋企同屋企人食飯，切蛋糕同影家庭相已經好滿足，係最好嘅生日禮物。」
年底前收爐享天倫
提到女兒滿月如何慶祝，城城說：「好簡單同外婆、嫲嫲食飯。（嫲嫲心目中得乖孫冇咗個仔？）嫲嫲呢方面好有經驗，因為我有五兄弟姊妹，我初為人父，知道做媽媽唔容易，要對家庭好啲，無論工作幾忙有時間就要陪家人，我相信身邊朋友都好明白同體諒，我希望做一個稱職爸爸。（百日宴呢？）暫時工作忙都未知，想專注電影、廣告同出活動。（工作會唔捨得女兒？）都冇辦法，會盡量配合時間安頓家人先係最大心願，其餘時間擺喺工作上，家庭責任好重要。（好朋友們見過囡囡未？）我唔喺香港，好多朋友都未見過。（咪好心急？）唔緊要啦，遲啲，我諗工作會忙到過年段時間，嗰時囡囡大啲會方便啲！」
主力同囡囡玩
問日前是否特意拜見法王為女兒祈福，他表示沒有這個目的：「只係法王嚟到香港，我有時間就出席，純粹係分享會，唔係特別去求子，無論仔定女係上天賜嘅禮物。（會追多個？）冇咁快，我覺得順其自然，唔會刻意追求啲乜。我希望建立家庭之後，喺工作上有更多唔同火花，思想唔同，喺演角色上都有唔同。（有冇幫手湊女？）我負責玩，因為我唔識嘛！屋企都有請陪月，又有媽媽、嫲嫲同外婆有時嚟屋企去湊，都唔太擔心，可以專心工作。（會一家三口出席活動？）我覺得工作還工作，家庭還家庭，我成日都話唔希望將家庭事業掛喺口邊，相信囡囡見到隻木馬仔會好開心，我作為爸爸會更努力，咁先可以達到嗰份愛！」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
