話就話收身未成功唔想做嘢住啫，其實孫慧雪最主要都係唔捨得個B多啲。
藝人孫慧雪（雪雪）今年8月誕下囝囝Riley，今日正是囝囝出世後第一百天，阿雪在社交網站上載為囝囝慶祝的照片，並留言說：「最重要是以後要健健康康、開開心心！無論任何事，爸媽都會在你身邊。」
阿雪接受東網訪問時表示未有特別為囝囝搞百日宴：「淨係簡簡單單兩公婆喺屋企同佢切蛋糕咋！（點解唔搞？）我哋諗住等佢大個啲先同佢搞生日，等佢識同啲小朋友玩先，所以依家簡單啲，因為佢未識玩。」她又坦言已習慣湊囝囝：「因為個模式已經觸摸到。（幾時全面復工？）我依家都唔捨得BB，佢見親我都好似嗒晒糖咁，好唔捨得喺佢咁細個就放低佢出去做嘢。」
雖然阿雪現時努力湊B，但原來亦開始「半復工」，間中都有接拍廣告：「每次臨出門口我都好唔捨得，出去做嘢之後都會飛奔返屋企，一返到去就即刻去睇佢。」她謂除要等BB大些才再工作外，另一原因是仍未成功收身：「我依家130幾磅。雖然好多人睇相話我唔肥，但其實我肥過以前20幾磅，我想減多啲，以最佳狀態再出嚟同大家見面。」此外，她又上載自己及囝囝的童年照作對比，還留言問：「唔似我咩？」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
