Stephy表示開幕電影題材上對觀眾嚟講好新，未知觀眾反應如何。
女星鄧麗欣（Stephy）到金鐘出席「香港亞洲電影節2017開幕禮」，講到其主演的作品獲選為開幕電影，她表示：「喺釜山電影節睇咗，返到香港出席首映禮感覺又好特別，有啲緊張，好擔心香港觀眾嘅反應，因為題材上對觀眾嚟講好新同係一項挑戰，知道今晚會有觀眾睇呢套戲，未聽到佢哋評價我都覺得唔實在，好期待首映嘅問答環節。」
Stephy又表示會睇多一次這部作品：「之前睇得好唔留心，導演剪片剪咗三年，見番三年前嘅自己，加上留意啲剪接部分，未投入到套戲，希望再一次以觀眾身份去欣賞。」Stephy又笑言同時忙為三部作品宣傳，問到會否擔心互搶票房？她笑說：「心情都忐忑，希望影迷見到我有認真去演，同埋唔再有框框。」問Stephy是否指脫離「旺角活地亞倫」葉念琛電影女主角的框框？她聞言笑說：「吓？咁會唔會好『油麻地』？」
來源 source: http://hk.on.cc
|
鍾意就快D Share啦！
|
|
|
