2017年11月10日 星期五

【人最緊要樂觀】聖誕送閃石輪椅俾欣宜 Wyman爆受傷原因係... __,Wyman,欣宜,黃偉文,

黃偉文(Wyman)、徐濠縈噚晚喺銅鑼灣出席一個互動音樂聖誕樹裝置揭幕,徐濠縈事先講明唔受訪,而Wyman就着咗七彩顏色珠片裝現身,問佢係咪已準備過聖 ...


黃偉文(Wyman)、徐濠縈噚晚喺銅鑼灣出席一個互動音樂聖誕樹裝置揭幕,徐濠縈事先講明唔受訪,而Wyman就着咗七彩顏色珠片裝現身,問佢係咪已準備過聖誕節?佢話自己日日都係聖誕節,又話o依家已經開始買禮物,仲講笑話買俾欣宜嗰份最易,買架有閃石嘅輪椅就得。

講到欣宜日前喺fb自爆受傷(新聞連結: http://bit.ly/2hpES95 ),有份喺演唱會幫手嘅Wyman話:「本來佢想以龐大體型,喺演唱會做歷代女歌手做到嘅嘢,當係一個final exam,點知遇上意外,現在開會都有諗有冇其他嘢!」問Wyman係咪都覺得失望?佢就話:「人最緊要樂觀,發生事要將負面變正面,做啲幫到自己嘅嘢,如果我係欣宜會靠把聲,用唱功壓四面台,今次係考佢牌。」

咁究竟,其實欣宜當初想做乜?Wyman話:「其實好似王菲、楊千嬅、Sammi嗰啲好經典嘅嘢,佢想做到出嚟,又有諗住連續唱同跳20分鐘。」

另外,Wyman話過喺2022年開作品展,o依家Wyman話儲緊彈藥,上次話10年後開,o依家欠咗好多人情,希望儲到積分:「上次講到o依家已經5年幾,現在有50幾到60首歌,嗰次主要係廣東歌作品展,但係o依家多咗好多台灣同大陸國語歌,希望下次係中港台作品展。」佢又多謝身邊人好體貼,好似李榮浩已經話一定要請佢,仲有蔡依林都係:「我仲有五年跑數!」

更多娛聞,喺晒《娛果》

http://fb.com/appledailyent

Wyman為演唱會努力跑數。 阿徐事前話唔做訪問。 Wyman話欣宜應該用把聲壓場!
欣宜o依家專心休息。(網上圖片) 黃心美

鍾意就快D Share啦!
Related Posts Plugin for WordPress, Blogger...