現年31歲的賴慰玲，已於日前成功誕下囝囝。昨日新任媽咪賴慰玲在社交網分享生BB喜悅，上載生B相外更透露自己雖然穿羊水後搏鬥了36小時，但最後也要剖腹，誕下6.6磅可愛B仔，並由契爺鄭嘉穎改英文名Marat。賴慰玲昨說：「原來生仔真係好痛㗎！無辦法，安全最緊要嘛！養兒方知父母恩。」
賴慰玲今年9月與舞台劇演員梁子峰奉子成婚，前日被好友陳凱琳（Grace）在Instagram率先踢爆已榮升媽咪，除Grace與鄭嘉穎外，陳嘉寶、田蕊妮、孫慧雪、蔡思貝及Super Girls成員吳嘉熙（Cheronna）等等也先後到醫院探望。
契媽爭換片
賴慰玲昨日於Ig公佈生B喜訊，以英文留言：「我的小男BB出世了！重3公斤，超級可愛。」她又上載了生B相及多位好友探望照片，留言謂：「原來生仔真係好痛㗎！搏鬥36小時，可惜最終都係要剖腹，冇辦法，安全最緊要嘛！養兒方知父母恩。」
賴慰玲透露B仔由契爺鄭嘉穎改了英文名叫「Marat」：「英文名由KC契爺改好，Marat，佢話要好Man，Man到心口有胸毛。」賴慰玲多謝醫護人員照顧外，更冧爆說：「最重要當然要多謝BB爸爸嘅陪伴我已經患上我個BB最得意症，視線不能轉移，換片餵奶令人好忙，新手父母多多指教，契媽媽們爭換片。」
賴慰玲昨日受訪時說：「首先我就穿羊水入去，入到去（醫院）都冇乜嘢嘅，買啲零食、生果……仲喺度享受吓生活，但就開始越嚟越痛喇！程度越嚟越增加，越嚟越密，咁就開始緊張喇，因為穿水唔可以太耐嘛，最終都穿咗36個鐘，咁就冇計，最終要決定開刀。有好多朋友嚟探我，令到我最驚恐就係Cheronna同埋蔡思貝，一聽到BB有便便，就好興奮想換片，但以佢哋嘅經驗嚟講，應該係雞手鴨腳，我同阿雪望到都一額汗，但都好開心見到佢哋咁踴躍。」但BB出世正確日期，賴慰玲就未有透露。
Grace未造人
Grace昨與陳豪、森美於銅鑼灣出席服裝店開幕禮時，透露賴慰玲其實於5、6日前生B，她與嘉穎前日才前往探望。講到嘉穎抱B時跟她的「全家福」一副慈父樣，陳凱琳就反問：「係囉，係咪已經當係？」她大爆嘉穎伸手抱BB，自己看到後也感覺十分sweet。Grace又謂：「佢（嘉穎）好鍾意小朋友，𠵱家滿足到佢，第一次做契爺。」至於她與嘉穎造人大計，Grace揚言要一步一步來，她又爆料說：「好好笑，佢（賴慰玲）穿咗羊水，都要食完麵先入院。」至於她前日搶先報喜，Grace表示事前曾問過當事人，所以未有被責怪。
採訪：非非、黃曉妍
|
鍾意就快D Share啦！
|
|
|
