王君馨去咗米蘭時裝周。
藝人王君馨（Grace）擁模特兒的高挑身形，一向深受時尚品牌喜愛，早前獲邀飛抵意大利米蘭出席時尚界盛事米蘭時裝周。Grace到埗幾天已睇了七個騷，雖然行程緊密，但經營個人品牌的她樂此不疲。
冇睇醫生
Grace穿上新一季春裝靚靚示人，做街拍模特兒，不過有苦自知，當地氣溫低至零度，衣衫單薄的她經過幾日行程，開始吃不消而病倒，在酒店中又屙又嘔，懷疑食物中毒。身在當地的Grace接受東網訪問時稱：「應該係畀風吹親，加上夜晚食海鮮，啲魷魚搞到有啲消化不良，半夜開始唔舒服，一晚屙足五次，嘔咗三、四次，仲有少少發燒，因為咁只可以留喺酒店，有啲行程取消咗。（有睇醫生？）冇睇，始終自己對呢度醫院同醫生唔熟，依家只可以休息同瞓，啲同行嘅工作人員好好，有探我同買退燒藥畀我食，全日只食餅乾、麵包、香蕉同熱茶。」
因病得瘦
問到身在香港的老公Daniel會否擔心？Grace表示已第一時間通知老公：「佢都好擔心，不過唔緊要，只要畀我瞓足一日，抖足精神好快會冇事。我今日已經一口氣瞓16個鐘，自己拍慣劇捱慣，頂得住。」Grace又笑言小病是福：「咁樣屙嘔應該瘦晒，着衫仲會靚啲添，我都算愛靚唔愛命。好彩依家恢復得七七八八，影響唔到今晚嘅行程，係今次旅程最大型嘅時裝騷，自己都想隆重其事。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
