掃呢頁CODE去手機

2018年8月9日 星期四

舊愛張馨予閃嫁大陸特工 吳卓羲:我夠係警察 __,大陸,張馨予,吳卓羲,中國,

■吳卓羲祝福舊愛張馨予結婚,話自己家陣忙工作。
■吳卓羲祝福舊愛張馨予結婚,話自己家陣忙工作。吳卓羲、劉心悠、廖啟智同莊端兒等主演、關永忠執導嘅電影《再見.女人街》,前日喺旺角女人街進行拍攝。問吳卓 ...


吳卓羲、劉心悠、廖啟智同莊端兒等主演、關永忠執導嘅電影《再見.女人街》,前日喺旺角女人街進行拍攝。問吳卓羲對於舊愛張馨予早前喺內地結婚,聽講老公仲係特工,吳卓羲即講笑話:「我夠係警察,總之祝福佢。」

問幾時輪到佢結婚?吳卓羲話:「拍拖都要時間,我𠵱家食餐飯都要趕開工,要搵多啲錢,阿媽話有錢唔驚冇老婆。」又話拍完呢套戲後要到橫店開工,之後返港拍《飛虎》系列劇集,然後再返內地拍劇,總之工作排到明年底。



■吳卓羲慰問拉傷腳嘅劉心悠。

■吳卓羲慰問拉傷腳嘅劉心悠。

心悠傷腳

心悠喺《再見.女人街》中飾演跟車送貨工人,以「羅拉」造型出現嘅佢喺facebook貼相,話自己唔小心拉傷咗,要敷冰減痛。

原來心悠受傷係因為要同吳卓羲拍一場追跑嘅戲,因為吳卓羲跑得快,佢配合唔到步速,所以拉傷右腳。心悠話唔會怪對方,又唔使睇醫生,但喺現場見到佢行路都拐吓拐吓,心悠拍完場戲話:「希望唔好有跛吓跛吓嘅感覺,拍完一個鏡頭後,導演以為我喺度笑,翻睇其實我係太痛苦嘅表情,最終導演收貨。」

撰文:馮仁昭




鍾意就快D Share啦!