每逢去到年頭年尾，總係有唔少人留言，回顧過去，展望吓將來，本來張繼聰噚晚都有喺Ig貼咗09年同19年嘅相，對比下10年前後嘅分別，點知竟然激發唔少網民留言，有啲仲幫阿聰出頭添！
事緣阿聰貼咗張喺09年影嘅相，嗰陣身形梗係冇O依家咁大隻，之後又貼咗喺19年影大隻佬相兼留言話：「2009-2019睇人哋嗰啲都好似冇咩點變，我就....不過老實，好感激呢10年，心境嘅改變比外表變化更大#10yearchallenge」正當大家都喺度講緊心態有乜轉變，改咗名做梁競徽嘅梁烈唯，突然衝出嚟留言：「話說10年前我在tvb五廠外的走廊遇見你，當時係夜晚，而你帶(戴)住副黑超！我跟你友好點頭 say hi！但你不理我直接走過～～～」
阿聰好快就留言話：「咁明顯我視力有問題」點知競徽似乎唔多接受，佢又留言話：「當時我好難受！一直放了在心中，就算之後大家認識了我也沒有問你為何！但這些年我終於知道，當時的你正受著很多壓力！現在我更加知當時的你為何會這樣，我知道一定唔會係因為你串(寸)！所以現在看見你很有自信很有魅力，我真的很為你感到開心！同時也給了很多動力和信心給我，其實真係要感謝你！感謝你的分享！」之後阿聰亦有話：「大家努力兄弟，應該純粹係發雞盲。」
不過有網民睇完之後，忍唔住代阿聰出頭，寸競徽真係好小器，一件咁小嘅事都記足10年，人哋都已經好禮貌咁回覆，點解仲要咬住唔放？
精選娛聞，喺晒《娛果》
http://fb.com/appledailyent
| 估唔到一件咁小嘅事，競徽竟然記足10年。(資料圖片) | | |
|
鍾意就快D Share啦！
|
|
|
