掃呢頁CODE去手機

2019年1月16日 星期三

張繼聰:張繼聰冇打招呼 唯唯記足十年:好難受 __,唯唯,張繼聰,梁烈唯,

梁競徽真係好重視阿聰呢個兄弟,個心一路都記掛住佢。呢兩日社交網好多藝人都玩緊#10yearchallenge,一向好鍾意開心share嘅張繼聰(阿聰) ...


梁競徽真係好重視阿聰呢個兄弟,個心一路都記掛住佢。


呢兩日社交網好多藝人都玩緊#10yearchallenge,一向好鍾意開心share嘅張繼聰(阿聰)梗係玩埋一份啦,佢上載10年前後嘅合照,明顯依家嘅佢係大隻咗、有男人味咗,最重要係散發自信!

其實只係平平無奇嘅一個Post,點知觸發咗梁競徽(前名:梁烈唯、唯唯)嘅神經,佢喺阿聰個Post留言話:「話說10年前我在tvb五廠外的走廊遇見你,當時係夜晚,而你帶(戴)住副黑超!我跟你友好點頭 say hi!但你不理我直接走過~~~」阿聰即回覆說:「咁明顯我視力有問題」

梁競徽坦言一直將件事放喺心中:「當時我好難受!一直放了在心中,就算之後大家認識了我也沒有問你為何!但這些年我終於知道,當時的你正受著(着)很多壓力!現在我更加知當時的你為何會這樣,我知道一定唔會係因為你串(寸)!所以現在看見你很有自信很有魅力,我真的很為你感到開心!同時也給了很多動力和信心給我,其實真係要感謝你!感謝你的分享!」阿聰回覆話:「大家努力兄弟,應該純粹係發雞盲。」

一場兄弟互相鼓勵大講真心說話真係好令人感動,網友話估唔到事隔十年,梁競徽都仲咁好記性。又係嘅,放一個人喺心上,係會記得佢做過嘅事。


來源 source: http://hk.on.cc
鍾意就快D Share啦!